Илъэсэу тызыхэтым имэзае республикэм осышхоу къыщесыгъэм гумэкIыгъуабэ къыздихьыгъ. Гъогухэм ыкIи лъэсрыкIо чIыпIэхэм уащызекIонкIэ къины хъугъэ. Унашъхьэхэм ателъ осыр атхъуныр, пхъэшъхьакIэхэм, псы­къечъэхыпIэхэм мылэу апишIэрэр игъом апаутыныр мыщ дэжьым анахь шъхьаI.

Ащ къыпкъырыкIызэ Адыгеим и ЛIышъхьэ муниципалитетхэм пшъэрылъ афишIыгъ мы лъэныкъомкIэ коммунальнэ къулыкъухэм яIофшIэн зэрэзэхащэрэм лъыплъэнхэу. Джащ фэдэу гъогухэр ыкIи лъэсрыкIуапIэхэр игъом аукъэбзынхэм, социальнэ мэхьанэ зиIэ псэуалъэхэм яунашъхьэхэм осыр атетхъугъэным анаIэ тырагъэтынэу республикэм ипащэ къафигъэпытагъ.

Мы IофшIэным коммунальнэ къулыкъухэм ямызакъоу цIыфхэри къыхэлэжьэнхэ фае.