Адыгэ Республикэм ишъолъыр банкхэм ахъщэу ащагъэтIылъыгъэм илъэсым къыкIоцI процент 14 хэхъуагъ. 2021-рэ илъэсым щылэ мазэм и 1-м ехъулIэу ар сомэ миллиард 35-м нэсыгъ.

Мы пчъагъэм инахьыбэр цIыфхэм яахъщ — ар сомэ миллиард 28-рэ фэдиз, блэкIыгъэ илъэсым егъэп­шагъэмэ, проценти 10,8-кIэ нахьыб.

— Лъэпкъ ахъщэм цIыфхэм цыхьэ фашIы ыкIи агъэтIылъыгъэ пстэуми япроцент 95-рэ ар мэхъу, — къыIуагъ Урысые Федерацием и Гупчэ банк и Къыблэ гъэIорышIэпIэ шъхьаIэ АР-мкIэ Лъэпкъ банкым и Отделение игъэ­IорышIакIоу Сергей Самойленкэм.

Организациехэм банкхэм ащагъэтIылъыгъэ ахъщэр мы илъэсым щылэ мазэм и 1-м ехъулIэу процент 1,4-кIэ нахьыбэ хъугъэ ыкIи сомэ миллиарди 3-м ехъугъ. Унэе предпринимательхэм яахъщэу 2020-рэ илъэсым банкхэм аралъхьагъэм фэди 1,7-рэ хэхъуагъ ыкIи сомэ миллиарди 2,2-м нэсыгъ.

Iэшъынэ Сусан.