ВирусологиемкIэ ыкIи биотехнологиемкIэ Къэралыгъо шIэныгъэ гуп­чэу «Вектор» зыфиIорэм иIофышIэхэм къаушыхьатыгъ урысые вак­цинэхэу «Спутник V», «Эпиваккорона» зыфиIохэрэр британскэ зэ­пахырэ узыкIэм пэуцужьынхэ зэралъэкIырэр.

Ащ фэгъэхьыгъэ къэбарыр гъубдж мафэм журналистхэм къалъигъэIэсыгъ Роспотребнадзорым ипресс-къулыкъу.

«Зэгъэпшэн ушэтынхэм къахиубытэу «Векторым» иIофы­шIэхэм къагъэлъэгъуагъ вакци­нэхэу «Спутник V» ыкIи «Эпиваккорона» зыфиIохэрэм коронавирусым ибританскэ шъуашэ пэуцужьыгъэнымкIэ яшIуагъэу къакIорэр. Мы вакцинэхэр зыхалъхьэгъахэхэу SARS-CoV-2-м иантителэхэр къызыхагъэщы­гъэхэм ясывороткэхэр пагъэуцужьыхэзэ яшIуагъэ къаушыхьатыгъ», — къыщеIо пресс-къулыкъум къытыгъэ къэбарым.

Вакцинэхэр зыхалъхьагъэхэм ясывороткэхэр коронавирусым ибританскэ шъуашэ имызакъоу, къызэрыкIоми зэрэпэуцужьы­шъугъэхэр къыхагъэщыгъ. Тапэ­кIэ Урысыем и Президентэу Владимир Путиным правительствэм пшъэрылъ фишIыгъагъ урысые вакцинэхэм коронавирусым иштаммыкIэхэм апэуцужьыгъэнхэмкIэ шIуагъэу яIэр зэхафынэу.