Гъэм иуахътэ пэпчъ шIуагъи, дэхагъи хэлъ. Ау, кIымафэм идэхэгъум, ар угу римыхьын плъэкIырэп. Тхьэпэ фыжьым фэдэу ос къабзэм нэр еумэхъы. Жьэу къатщэрэр зэхатшIэу къэучъыIы. ЧIыопсыр кIым-сым мэхъу. Непэ шъхьангъупчъэм тызиплъыкIэ, чъыгхэр, унашъхьэхэр фыжьыбзэу фэпагъэх.КIымафэм иаужырэ мазэ къы­зехьэм, гъатхэм ифэмэ-бжьымэ къэоу ригъажьи ти­гъэIэлыгъ. Жьыбгъэшхоу ти­шъолъыр зэлъызыубытыгъагъэм ыуж ос хъотыр къытфихьыгъ. ТикIымафэ пхъашэу къытыригъэзэжьыгъ. — Мэзэе мазэм арктикэ лъэ­ныкъом къикIырэ жьы чъы­Iэм ом изытет зэрихъокIэу ха­бзэ. Фабэмрэ чъыIэмрэ зызэб­лахъузэ, мазэр икIыщт. Илъэс зэфэшъхьафхэм «мэзэе шъхьангъупчъэхэм» яуахътэ Адыгеим фабэр градус 22-м, 1978-рэ илъэсым — градус 25-м нэ- сэу къыхэкIыгъ. Илъэс 70-м къы­­кIоцI зыпштэкIэ, анахь мэ- зэе чъыIэ Адыгеим зыщыщы­Iагъэр 1950-рэ илъэсыр ары — градус 31, 6-м нэсэу ехы­гъагъ, — къытыгъ Адыгэ гидрометеорологие Гупчэм. Шъугу къэдгъэкIыжьын, икIыгъэ илъэсым мэзаем иапэрэ мэфи 10-м градусыр 17-м нэ- сэу къэучъыIыгъагъ. Ау аужырэ мафэхэм градус 24-м кIахьэу къэфэбэжьыгъагъ. Джы 2021- рэ илъэсым мэзаем икъихьа- гъу мэфэ фабэхэм тахэтыгъ. КIэухым ом изытет зыкъызэпыригъэзагъ. Республикэм исиноптикхэм къызэратыгъэмкIэ, мы тхьамафэм чэщым чъыIэр градуси 7 — 11-м, мафэм градуси 3 — 7-м анэсыщт, ос къесыщт, гъогухэр Iумылыщтых. Мэзаем иаужырэ тхьамафэ тIэкIу къэ­фэбэжьэу ригъэжьэщт — мафэм фабэр градуси 3 — 6-м фэдизыщт, чэщым чъыIэр градуси 3-м нэсэу къехыщт. Зыпкъ ит фабэр гъэтхапэм къэсыщт.