Джэпсалъ
1941 — 1945-рэ илъэсхэм щыIэгъэ Хэгъэгу зэошхом ТекIоныгъэр къызыщыдахыгъэр илъэс 76-рэ зэрэхъурэр хэгъэунэфыкIыгъэным тегъэпсыхьагъэу Адыгэ Республикэм инахьыжъхэм я Совет, Адыгэ Республикэм иветеранхэм я Совет, Советскэ Союзым и ЛIыхъужъэу Хъ. Б. Андырхъуаем ыцIэкIэ щыт Адыгэ республикэ фондэу «ТекIоныгъ» зыфиIорэм иправление Адыгеим исхэм къяджэ Хэгъэгу зэошхом хэлэжьагъэхэм, ахэм яунагъохэм, шъузабэхэм, зэокIыбым щылэжьагъэхэм, IофшIэным иветеранхэм апае шIушIэ Iофтхьабзэм хэлэжьэнхэу.
Ахъщэу аугъоирэмкIэ заом хэлэжьагъэхэм, ащ сэкъатныгъэ хэзыхыгъэхэм, дзэкIолIэу фэхыгъэхэм яшъхьэгъусэхэм, яунагъохэм IэпыIэгъу афэхъущтых, мыжъобгъухэр агъэуцущтых, Хэгъэгу зэошхом хэлэжьагъэхэм якъэхэм алъыплъэщтых, ныбжьыкIэхэм дзэ-патриотическэ пIуныгъэ ягъэгъотыгъэным тегъэпсыхьэгъэ Iофтхьабзэхэр зэхащэщтых. Джащ фэдэу лIыхъужъныгъэм идесэхэр гурыт еджапIэхэм ащызэхащэщтых, ныбжьыкIэхэм дзэ-патриотическэ пIуныгъэ тэрэз ягъэгъотыгъэным фытегъэпсыхьэгъэ тхылъхэр къыдагъэкIыщтых, юнармейскэ, ветеран движениехэр пропагандэ ашIыщтых. Адыгеим игъэцэкIэкIо хэбзэ къулыкъухэм, предприятиехэм, учреждениехэм, организациехэм япащэхэм, яIофышIэхэм, унэе предпринимательхэм, республикэм зэкIэ щыпсэухэрэм шIушIэ Iофтхьабзэм хэлэжьэнхэу тыкъяджэ. Фондым иреквизитхэр Ветеранхэм (пенсионерхэм) IэпыIэгъу афэхъурэ Адыгэ республикэ фондэу «ТекIоныгъ» зыфиIоу Советскэ Союзым и ЛIыхъужъэу Хъ. Б. Андырхъуаем ыцIэкIэ щытыр ИНН/КПП 0105051524/010501001 Классификациер: къ. Москва, ВТБ-м икъутамэу «Центральный» зыфиIорэр р/сч 40703810600230000327 Корсчетыр 30101810145250000411 БИК 044525411 Ветеранхэм (пенсионерхэм) IэпыIэгъу афэхъурэ Адыгэ республикэ фондэу «ТекIоныгъ» зыфиIоу Советскэ Союзым и ЛIыхъужъэу Хъ. Б. Андырхъуаем ыцIэкIэ щытым икасси шъугу пыкIырэ ахъщэр жъугъэхьын шъулъэкIыщт. Ар зыдэщыIэ чIыпIэр: къ. Мыекъуапэ, ур. Крестьянскэр, 236, а 1-рэ къат, я 104-рэ офис, тел.: 8-8772-52-86-73
Адыгэ Республикэм инахьыжъхэм я Совет итхьаматэу ГъукIэлI Нурбый Адыгэ Республикэм иветеранхэм я Совет итхьаматэу Къоджэ Аслъан Ветеранхэм (пенсионерхэм) IэпыIэгъу афэхъурэ Адыгэ республикэ фондэу «ТекIоныгъ» зыфиIоу Советскэ Союзым и ЛIыхъужъэу Хъ. Б. Андырхъуаем ыцIэкIэ щытым ипащэу Нэхэе Юр.