Францием икомандэу «Монако» зыфиIорэм щешIэрэ Александр Головиным икIэрыкIэу тигъэгушIуагъ.

Командэу ар зыхэтыр «Ним» зыфиIорэм зыIокIэм, 4:3-у текIуагъ. Александр Головиным гъогогъуи 3 «Ним» икъэлапчъэ Iэгуаор ди­дзагъ. А. Головиным ытыгъэ Iэгуаор игъусэхэм ащыщ хъагъэм дидзагъ.

«Монако» итренер шъхьаIэу Н. Ковач Урысыем щыщ ешIакIоу А. Головиным къыщытхъугъ. Шъобжыр къызытыращэм ыуж ипсауныгъэ зыпкъ ригъэуцожьыгъэу иIэпэIэсэныгъэ зэрэхигъахъорэр Н. Ковач хигъэунэфыкIыгъ.

Александр Головиныр ЦСКА Москва хэтыгъ. Футболышхом щыцIэрыIохэу Игорь Акинфеевым, Натхъо Бибарс, Алан Дзагоевым, фэшъхьафхэм аготэу ЦСКА-м щешIэзэ, иухьазырыныгъэ хигъэ­хъуагъ. Европэм ифутбол щашIэ зэрэхъугъэм фэшI А. Головиныр ЦСКА-м лъэшэу фэраз.

Александр Головиныр Урысыем ихэшыпыкIыгъэ футбол командэ хэтэу Европэм изэнэкъокъу хэлэжьэнэу зегъэхьазыры.