«Астраханочка» Астрахань – «АГУ-Адыиф» Мыекъуапэ – 29:18 (17:8).

Мэзаем и 10-м Астрахань щызэдешIагъэх.

«АГУ-Адыиф»: къэлэпчъэIутхэр: С. Кожубекова, Скнарь, Баскакова; ешIакIохэр: Клименко, Краснокутская, Кириллова – 1, Серадская, Богданова – 4, Измайлова – 11, Куцевалова, Казиханова, Дмитриева, Кобл – 1, Ю. Кожубекова – 1, Стрельцова.

Гандбол клубэу «Астраханочкэр» анахь лъэшхэм ащыщ, «Адыифыр» ащ текIоным непэ фэхьазырэп. «Астраханочкэр» псынкIэу ыпэкIэ елъы, къэлапчъэм Iэгуаор дидзэнымкIэ зэхэщэн Iофхэр дэгъоу егъэцакIэх. Е. Зеленковам «Адыифым» икъэлапчъэ гъогогъуи 9 Iэгуаор къыдидзагъ. «Адыифым» щешIэрэ Г. Измайловам гъогогъу 11 хъагъэм Iэгуаор зэрэридзагъэм къеушыхьаты тикомандэ нахьышIоу ешIэн зэрилъэкIыщтыр.

Мэзаем и 12-м «Адыифыр» Волгоград щыIукIэщт «Динамэм». ТекIоныгъэр командитIуми жьым фэдэу ящыкIагъ, ау зэIукIэгъур зыхьыщтыр къэшIэгъуае.