Унагъоу 2012-рэ илъэсым итыгъэгъэзэ мазэ ыуж, 2021-рэ илъэсым игъэтхапэ и 31-м шIомыкIэу, кIэлэцIыкIу къызэрыхъухьагъэхэм зэтыгъо ахъщэ тынэу сомэ 5000 къафэкIонэу къатефэ.

Шъугу къэтэгъэкIыжьы, УФ-м и Президент 2020-рэ илъэсым итыгъэгъазэ и 17-м сабый зэрыс уна­гъохэм зэтыгъо ахъщэ тын афэгъэкIогъэным фэгъэ­хьыгъэ унашъом кIэтхагъ. Ащ къызэрэщыдэлъыта­гъэмкIэ, кIэлэцIыкIоу зыныбжь илъэси 7-м шIомыкIыгъэм янэ, ятэ е ыпIунэу зыштагъэр УФ-м игражданинэу ыкIи ащ щыпсэумэ ахъщэр ыгъэпсынэу фитыныгъэ иIэ мэхъу.

Унагъоу илъэси 3-м зыныбжь нэмысыгъэ сабый зэрысхэм мазэ къэс къафэкIорэ ахъщэ тыныр е илъэси 3 — 16 зыныбжь­хэм зэтыгъоу къаратыгъэр 2020-рэ илъэсым къыз­фэкIуагъэхэм лъэIу тхылъ атын имыщыкIагъэу ПенсиехэмкIэ фондым афи­гъэпсыгъ. Ау кIэлэцIыкIур 2020-рэ илъэсым ибэдзэогъу мазэ и 1-м ыуж къэ­хъугъэмэ, ахэм къахиубытагъэп. Джащ фэдэу унашъор къызди­кIыгъэм ыуж, тыгъэгъазэм и 18-м къыщегъэжьагъэу пштэмэ, кIэ­лэ­цIыкIу къызфэхъу­гъэхэми ар агъэпсынэу фи­ты­ныгъэ яIэ мэхъу.

Арышъ, янэ, ятэ е ыпIунэу зыштагъэм лъэIу тхылъыр къытын фае. 2021-рэ илъэсэу тызы­хэхьагъэм игъэтхапэ и 31-м шIомыкIэу ар гъэцэ­кIэгъэн фаеу щыт. къэ­ралыгъо фэIо-фашIэхэм япортал щыптымэ хъущт, ПенсиехэмкIэ фондым уекIуалIэми пIахыщт.

Ным е тым банкым счетэу щыриIэр зэблэ­хъугъэ хъугъэмэ е зэфа­шIыжьыгъэмэ, ари ыгъэ­нэфэн фае.

Зэтыгъо ахъщэ тыныр бгъэпсыным ным, тым е кIэлэцIыкIур ыпIунэу зыштагъэм ипаспорт, СНИЛС-р, кIэлэцIыкIур къызэрэхъугъэр къэзыушыхьатырэ тхылъыр ­(свидетельство о рождении), ащ и СНИЛС, банкым счетэу щыгъэпсыгъэр ары ищыкIагъэхэр.

УпчIэ зиIэр УФ-м ПенсиехэмкIэ ифонд и Къутамэу АР-м щыIэм «илиние плъыр» иномерхэмкIэ къытеон ылъэкIыщт. Ахэр фондым иинтернет нэкIубгъо итых. Ащ пае ыпэрапшIэу тишъолъыр къыхэогъэщы, етIанэ «Информация для жителей региона» зытетхагъэр къызэIуохы, нэужым «Гражданам» зыфиIорэм уехьэ.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу