Юридическэ лицэхэу ыкIи предпринимательхэу хэкIым идэщын пае шъолъыр операторым зэзэгъыныгъэ дэзымышIыгъэхэм якъыхэгъэщын фы­тегъэпсыхьэгъэ Iофтхьабзэхэр «ЭкоЦентрэм» лъегъэкIуатэх.

Охътэ благъэм ащ испециалистхэм республикэм ипсэу­пIэхэр къакIухьанхэу рагъэжьэщт.

— ЩыIэныгъэр лъэкIуатэ, шхапIэхэр, щапIэхэр, нэмыкIыбэхэр етIупщыгъэу къызэIуахых, ау ахэр зыехэм шъолъыр операторым зэзэгъыныгъэм ды­кIэтхэнхэу гухэлъ яIэп. Юридическэ лицэхэмрэ предпри­нимательхэмрэ хэкIэу къаугъоирэр шапхъэхэм атетэу Iуащынышъ агъэкIодыным анаIэ тетын фае. Ащ пае зэзэгъыныгъэм кIэтхэнхэу хэбзэгъэуцу­гъэм къыщеIо. Ар бэмэ агъэцакIэрэп, етIанэ хэбзэнчъэу зыщымыгъэнэфэгъэ чIыпIэм щагъэпсыгъэ хэкIитэкъупIэхэр Iутхыжьынхэ фаеу мэхъу, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Зэзэгъыныгъэм укIэтхэным пае офисэу узэпхыгъэм уекIуа­лIэмэ хъущт. Мары зыдэщы­Iэхэр: къалэу Мыекъуапэ, ура­мэу Пионерскэр, 297-рэ, по­селкэу Яблоновскэр, урамэу Школьнэр, 10/1. Мы телефонхэмкIэ утеоми IэпыIэгъу къыпфэхъущтых: 8(8772)21-06-04 (Мыекъуапэ), 8.962-868-12-29 (Яблоновскэр).

Джащ фэдэу компанием иинтернет нэкIубгъоу «ttps://ady­geya.clean-rf.ru» зыфиIорэм уихьэмэ лъэIу тхылъым ищыкIагъэр ор-орэу иптхэн плъэ­кIыщт. Нэужым ар «Контакты» зыфиIорэ разделым иогъахьэ, етIанэ электроннэ адресэу adg_ecocentr@clean-rf.ru огъэ­кIожьы.

ООО-у «ЭкоЦентрэм» и Адыгэ шъолъыр къутамэ ипресс-къулыкъу