2021-рэ илъэсым мэзаем и 4-м, пчыхьэм, сыхьатыр 9-м такъикъ 25-кIэ ежьагъэу, Мыекъопэ районым ит къутырэу Ткачевым унэ горэм къызэ­рэ­щыкIэнагъэм фэгъэхьыгъэ къэбар мэшIогъэкIосэ-къэгъэнэжьын къулы­къум идиспетчер пульт къыIэкIэхьагъ.

— МашIор зыгъэкIосэжьыщт хэушъхьэфыкIыгъэ техникитIурэ къулыкъум Iоф щызышIэрэ нэ­бгыри 8-рэ псынкIэу мы чIыпIэм нэсыгъэх. Квадратнэ метрэ 40-м машIом зыкъыщиштагъ. Шъобж зытещагъэрэ хэкIодагъэрэ къы­хэкIыгъэп. Хъугъэ-шIагъэм ушъхьагъу фэхъугъэр джырэ уахътэ агъэунэфы, — къыща­Iуагъ УФ-м ошIэ-дэмышIэ Iоф­хэмкIэ и Министерствэ и Гъэ­IорышIапIэу Адыгэ Республикэм щыIэм ипресс-къулыкъу.

Мыщ фэдэ ошIэ-дэмышIа­гъэхэр къэмыхъунхэм фэшI шапхъэхэр зэрифэшъуашэу жъугъэцэкIэнхэу, сакъыныгъэ къызхэжъугъэфэнэу къышъуа­джэх.

(Тикорр.).