Кушъхьэфачъэм тесыр тыриутыгъ Кушъхьэфачъэм тесыр тыриутыгъ
Къалэу Мыекъуапэ ипоселкэу Западнэм иурамхэу Юбилейнэмрэ Новэмрэ зыщызэхэкIыхэрэм дэжь гъогу хъугъэ-шIагъэ мэзаем и 3-м къыщыхъугъ.
Илъэс 22-рэ зыныбжь кIэлэ ныбжьыкIэу IэкIыб къэралыгъом къыщашIыгъэ автомобилыр зезыфэщтыгъэм кушъхьэфачъэм тесэу гъогум къырычъэщтыгъэ пшъашъэр тыриутыгъ.
Къэралыгъо автоинспекцием мы Iофым епхыгъэ уплъэкIунхэр зешIыхэм зэригъэунэфыгъэмкIэ, водителым автомобилыр зэрифэнымкIэ фитыныгъэ иIагъэп, медицинэ экспертизэри афикIугъэп.
Кушъхьэфачъэм тесыгъэ пшъашъэм шъобжхэр тещагъэхэу республикэ сымэджэщым зыфигъэзагъ. Мы хъугъэ-шIагъэм епхыгъэ Iофыр джыри зэхафы.
Водителым медицинэ уплъэкIуныр зэрафимышIыгъэм пае административнэ хьапс мэфи 10 зэгъэшIужь хьыкумышIым тырилъхьагъ. Автомобилэу зэрифэщтыгъэр зием административнэ тазырэу сомэ мин 30 рагъэпщыныщт.
Адыгэ Республикэм хэгъэгу кIоцI IофхэмкIэ и Министерствэ къызэритыгъэмкIэ, 2020-рэ илъэсым кушъхьэфачъэм тесхэм атехьагъэхэу хъугъэ-шIэгъэ 18 республикэм щагъэунэфыгъ. ГухэкI нахь мышIэми, нэбгыри 5 хэкIодагъ, 16-мэ шъобжхэр хахыгъэх. Аварии 9-р Мыекъуапэ зыщыхъугъэр.