2021-рэ илъэсыр къызихьагъэм къыщыублагъэу Мыекъуапэ ирайонхэу «МэздахэкIэ» заджэхэрэмрэ «Лысая поляна» зыфиIорэмрэ хэкI кубометрэ 70-м ехъу, ар тонни 8,5-рэ мэхъу, шъолъыр операторым аIуищыгъ.

Нахьыбэр пластикым хэшIыкIыгъэ бэшэрэб, пакет, тхы­лъыпI, ахэр жьы къабзэм хэтэу зызгъэпсэфыгъэхэр ары къэзгъэнагъэхэр. Ахэм къахэхъожьыгъэх цIыф «чанэу», хэкIыр зэрэдащырэм ыпкIэ зэримытыщтым пае, псэолъэшIыным къыпызыгъэ хэкIыр е нэмыкI пыдзэфэ инхэр гъэхъунэм къы­щи къыщизытэкъугъэхэр.

— Мыекъуапэ имэз-парк чIыпIэхэм игъорыгъоу шIы­хьафхэр зэращыкIохэрэм ишIуа­гъэкIэ ахэр защыбгъэпсэфыным фытегъэпсыхьагъэхэу къызэтенагъэх. Арышъ, зиуахътэ ащызгъакIохэрэм чIыпIэу зыдэщысыгъэхэр къабзэу къагъэнэнхэу, хэкIыр контейнерэу ащ щыдгъэу­цугъэхэм арахьы­лIэнэу тялъэIу. Ащ зи къин хэлъэп, экологием икъызэтегъэ­нэни яIахь халъ­хьащт. ХэкIитэкъу­пIэхэр ежьхэр зыщыфэе чIыпIэм щамыгъэ­псынэуи тыкъяджэ, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Шъугу къэтэгъэкIыжьы, шъо­лъыр операторым «Мэзда­хэм­рэ» «Лысэ полянэмрэ» хэкIым пае контейнерхэр ащигъэуцу­гъэх, иIофшIэн зыригъэжьагъэм къыщыублагъ ахэр зыщытхэр, мафэ къэс зэблехъух.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.