Нахьыбэу IэкIэхьанэу
Коронавирусыр къызэолIагъэхэм ащяIэзэнхэу инфекционнэ сымэджэщым щагъэпсыгъэ госпиталым электроэнергиер нахьыбэу IэкIэзгъэхьащт оборудованиякIэ «Россети Кубань» щигъэуцугъ.
Ащ киловатт 400 кIуачIэу иI, учреждением электричествэмкIэ щыкIагъэ иIэ зыхъукIэ атIупщыным фэхьазыр.
— Госпиталым медицинэ псэолъакIэхэр зэрэщагъэуцугъэхэм къыхэкIэу электричествэр къэзытыщтыр нахьыбэ шIыгъэнэу къыкIэлъэIугъэр АР-м экономикэ хэхъоныгъэмкIэ ыкIи сатыумкIэ и Министерств. «Россети Кубань» ащ лъыпытэу лъэIур ыгъэцэкIагъ, — къыщаIуагъ республикэ оперативнэ штабым.