Адыгэ Республикэм и Правительствэ планернэ зэхэсыгъоу тыгъуасэ иIагъэм Сергей Шопиныр Адыгэ Республикэм мэкъу-мэщымкIэ иминистрэ иапэрэ гуадзэу гъэнэфэгъэным ехьылIэгъэ Указым Адыгеим и ЛIышъхьэу КъумпIыл Мурат щыкIэтхэжьыгъ.

Министрэм игуадзэу агъэ­нэфагъэр Мыекъуапэ къыщы­хъугъ, 2004-рэ илъэсым Пшызэ къэралыгъо аграр универ­ситетыр, 2006-рэ илъэсым — экономикэмкIэ, медицинэмрэ социальнэ лъэныкъомрэ ягъэ­IорышIэнрэкIэ Краснодар ин­ститутыр къыухыгъэх. Сергей Шопиныр республикэм ипредприятие, иорганизацие зэфэ­шъхьафхэм ветеринар врачэу ащылэжьагъ, псэушъхьэхэм къяу­тэлIэрэ узхэм ябэныгъэнымкIэ Джэджэ район стан-цием ипэщагъ. 2018-рэ илъэсым къыщегъэжьагъэу 2020-рэ илъэсым нэс Шытхьэлэ районым ветеринариемкIэ и ГъэIорышIапIэ ипэщагъ.

Сергей Шопиным опытышхо зэриIэм, мэкъу-мэщым хэ­шIыкIышхо зэрэфыриIэм яшIуа­гъэкIэ Iофхэм псынкIэу защигъэгъозэнэу, Iофыгъо шъхьа­Iэхэм язэшIохын ыкIуачIэ ри­хьылIэнэу зэрэгугъэрэр рес­публикэм и ЛIышъхьэ къыхи­гъэщыгъ.

«Республикэм мэкъу-мэ­щымкIэ и Министерствэ пшъэ­дэкIыжьышхо зыпылъ IофшIэн къыщыожэ. Пшъэрылъэу къыпфашIхэрэр зэкIэ икъоу бгъэцэкIэнэу тыфай. Анахьэу унаIэ зытебгъэтын фаер мэкъу-мэщым лъэпкъ проектхэр щы­пхырыщыгъэнхэр, программэу «Къуаджэм хэхъоныгъэ егъэшIыгъэныр» зыфиIорэм игъэцэкIэн ары», — хигъэунэфы­кIыгъ КъумпIыл Мурат.

Цыхьэ къызэрэфишIыгъэм пае Сергей Шопиным рес­публикэм и ЛIышъхьэ зэрэ­фэразэр, къыфагъэнэфэрэ пшъэрылъхэм атетэу иIофшIэн ыгъэпсын зэримурадыр риIуагъ.