Хьыкум приставхэм къаты
ЧIыфэр къыпщыныгъ
Къалэу Мыекъуапэ щыпсэурэ хъулъфыгъэм кIэлэпIупкIэм итынкIэ ипшъэрылъхэр зэримыгъэцакIэхэрэм къыхэкIэу Iоф къыфызэIуахыгъ.
Хьыкумым унашъоу ышIыгъэм диштэу ты ныбжьыкIэм исабый мазэ къэс ахъщэ гъэнэфагъэ ритын фэягъ. Ау ар ымыгъэцакIэ зэхъум хьыкум приставхэм я Мыекъопэ къэлэ отдел Iоф къыфызэIуихыгъ.
КIэлэпIупкIэр игъом зэримытырэм къыхэкIыкIэ чIыфэр сомэ мин 50-м нэсыгъ. Хьыкум приставым ар ригъэблэгъагъ, изекIуакIэ зэрэмытэрэзыр ыкIи ащ кIэух дэй къыкIэлъыкIон зэрилъэкIыщтыр гуригъэIуагъ. МыщкIэ хэбзэгъэуцугъэр зыукъохэрэм сыхьати 150-м телъытэгъэ шIокI зимыIэ IофшIэнхэр арагъэгъэцакIэх, чэщ— зымэфи 10-м щегъэжьагъэу 15-м нэс административнэ арест пшъэдэкIыжьэу арагъэхьы е сомэ мин 20 хъурэ тазыр атыралъхьэ.
Хьыкумым иунашъо зимыгъэцакIэкIэ пхъэшагъэ хэлъэу зэрагъэпщынэщтыр тым къыгурыIуагъ ыкIи сабыим ылъэныкъокIэ телъ чIыфэр къыпщыныжьыгъ.
Зылъыхъущтыгъэхэр къыубытыгъ
Хьыкум приставхэм я Федеральнэ къулыкъу АдыгеимкIэ и ГъэIорышIапIэ иIофышIэ бзэджэшIагъэ зезыхьагъэу зылъыхъущтыгъэхэр зыдэщыIэр ыгъэунэфын ыкIи къыубытын ылъэкIыгъ.
Мыекъопэ районым ит станицэу Абадзехскэм щыщ хъулъфыгъэм бзэджэшIагъэ зэрэзэрихьагъэм къыхэкIэу пшъэдэкIыжьыр колоние-поселением щихьын фэягъ, ау зигъэбылъэу бэрэ хэтыгъ. Лъыхъущтыгъэхэ хэбзэухъумакIохэм бзэджашIэр аIэкIагъэхьагъ. Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.