Урысые Федерацием и Къэралыгъо Думэ идепутатхэр, исенаторхэр, Адыгэ Республикэм и Къэралыгъо Совет – Хасэм, муниципальнэ образованиеу «Къалэу Мыекъуапэ» инароднэ депутатхэм я Совет, «Единэ Россием» ифракцие ядепутатхэр, псауныгъэм икъэухъумэнкIэ гъэцэкIэкIо хабзэм, къэралыгъо къулыкъу­хэм, организациехэм ялIыкIохэр зыхэлэжьэщтхэ Iофтхьабзэхэр онлайн шIыкIэм тетэу зэхащэщтых.

Мафэ къэс сыхьатыр 10-м къыщегъэжьагъэу 17-м нэс цIыфхэм яIофыгъохэр къафызэхафыщтых.

Псауныгъэм икъэухъумэн фэгъэзэгъэ къулыкъухэмрэ организациехэмрэ ахэхьэх:

— Адыгэ Республикэм псауныгъэр къэухъумэгъэнымкIэ и Министерствэ,

— псауныгъэр къызэраухъумэрэм гъунэ лъызыфырэ Федеральнэ къу­лыкъум Адыгэ РеспубликэмкIэ ичIыпIэ къулыкъу,

— щэфакIохэм яфитыныгъэхэр къызэраухъумэрэмрэ цIыфхэм щыIэкIэ тэрэз яIэнымрэ алъыплъэрэ Федеральнэ къулыкъум Адыгэ РеспубликэмкIэ и ГъэIорышIапIэ,

— шIокI зимыIэ медицинэ страхованиемкIэ Федеральнэ фондым Адыгэ РеспубликэмкIэ и Къутамэ. Iофтхьабзэхэр зэхащэн алъэкIыщт:

— «линие плъырымкIэ», тел.: 8(8772)52-76-02, 8(8772)52-76-03,

— электроннэ почтэу op@adygei.er.ru зыфиIорэмкIэ,

— Skype, Viber, WhatsApp зыфиIорэмкIэ,

— социальнэ хъытыухэу ВКонтакте, Одноклассники, Фейсбук, Instagram, YouTube зыфиIохэрэмкIэ.