Хьакухэм ягъэплъыгъо бжыхьэ-кIымэфэ лъэхъаныр ары цIыфхэм ана­хьэу са­къыныгъэ къызщахэфэн фаер. Унэе унэхэм арыт хьакухэм дагъохэр яIэмэ зэрагъэшIэн ыкIи ахэр дагъэзыжьын фае. ТхьамыкIагъоу ахэм къахэ­кIыхэрэм лъапсэу афэхъурэр зэфэшъхьаф. Ахэм зыкIэ ащыщ унэхэр зэрагъэфэбэрэ хьакухэр агъэуцухэ зыхъукIэ, машIом зыкъимыштэнымкIэ шапхъэхэр къызэрэдамылъытэхэрэр.

Ащ епхыгъэу гъэфэбэгъу лъэхъаныр къызысыкIэ лъып­лъэн IофшIэным ишъолъыр отделхэм яинспекторхэм щагухэр къакIухьэх, машIор щынэгъончъэным ишапхъэхэр зэрытхэгъэ тхьапэхэр цIыфхэм афагощых.

Сыдигъуи зыщышъумыгъэ­гъупш хьакухэм фабэр къызэратырэм имызакъоу, машIом зыкъиштэным ищынагъуи къызэрэздахьырэр. Ар нахь щы­нагъо зыхъурэр Iугъор зэрыкIырэ онджэкъхэр игъом замыгъэ­къабзэхэкIэ ары. Хьаку Iупэм иджэхашъо тенэч теIулIэгъэнэу щыт. Ащ сантиметрэ 50 х 70-рэ иинэгъэн, миллиметритIум къы­щымыкIэу иIужъугъэн фае. IугъоищыпIэхэм арыхъорэ пкIэгъуасэр сты зыхъукIэ онджэ­къым чагъэ фишIын ылъэкIыщт. ЯтIонэрэ хэукъоныгъэу ашIы­хэрэм ащыщ бензин, керосин е нэмыкI къэорэ гъэстынып­хъэхэр хьакум зэрэпакIэхэрэр. Пхъэм икIыхьагъэ ежь хьакум фытегъэпсыхьэгъэн фае. Хьаку­шъхьэр бгъэплъыщэнэу щытэп, температурэ гъэнэфагъэ ыIыгъынэу ищыкIагъ. Iоф зымышIэу чъыIэм щытыгъэ гъэфэбапIэри игъорыгъозэ бгъэплъын фае. ЗипсэупIэ хьакукIэ ежь-ежьырэу зыгъэплъыхэрэр етIани зыфэсакъынхэ фаер унэм угарнэ газыр имыуцоныр ары.

Хьакухэм яжьэу, пыдзафэу къарышъухыхэрэм псы атешъу­кIи, щынэгъопIэ чIыпIэм Iушъу­хых. Хьакум щыгъынхэмрэ пхъэ цIынэхэмрэ щышъу­мыгъэчъэпхъыжьых. Шъхьаныгъупчъэ Iу­хъохэри, мебелыри хьакоу агъэплъырэм метрэныкъо фэ

дизкIэ пэчыжьэнхэ фае. Бжыхьэр къимыхьэзэ Iугъои­щыпIэхэм пкIэгъуасэхэр ары­шъухых, етIанэ мэзитIу тешIэ къэс ахэр жъугъэкъабзэх. Зыщышъумыгъэгъупш мы­тэрэз зекIуакIэр машIом къызэрэшъуфимыгъэгъущтыр. Ма­шIом зыкъимыштэнымкIэ шап­хъэхэр къыдилъытэныр хэти ипшъэрылъ. МашIом зыкъиш-тэ­мэ шъукъэмыщтэу телефон номерхэу «01» е «101»-м шъуатеу.

А. Р. Мамый. Къалэу Мыекъуапэрэ Мые­къопэ районымрэ мэшIо­гъэкIосэ къулыкъум ипащэ игуадз.