Шъолъыр проектэу «Мэзхэм якъэгъэнэжьын» зыфиIорэр лъэпкъ проектэу «Экологием» ипхырыщын пае республикэм щаштагъ. Ащ къыдыхэлъытагъэу икIыгъэ 2020-рэ илъэсым АР-м мэзхэмкIэ и ГъэIорышIапIэ чъыг цIыкIу мин 31-рэ ыгъэтIысхьагъ. Iофтхьабзэм мэзхэр машIом щызыухъумэрэ къулыкъумрэ мэзым щыщ Iахьхэр бэджэндэу зыштагъэхэмрэ хэлэжьагъэх.

ИкIыгъэ илъэсым игъатхэ чъыгэе лъэпкъэу «черешчатэкIэ» заджэхэрэм фэдэу гъэтIысэжь 5000 Мыекъопэ районым щагъэтIысхьагъ, нэужым, бжыхьэм, мы чъыг дэдэр арэу, ау «красный» зыфаIорэм фэдэрэ пчэирэ, пстэумкIи 1000 ахагъэхъожьыгъ. Чъыгхэр паркхэм, еджапIэхэм ящагухэм, мэзым къащыкIыщтых.

Джащ фэдэу бжыхьэм Красногвардейскэ мэз хъызмэтшIапIэм епхыгъэу гектар 12 агъэкIэжьыгъ. Ащ тетэу республикэм имэз фонд чъыгэе лъэпкъэу «черешчатэкIэ» заджэхэрэм фэдэ гъэтIысыжь мин 15 хэгъэхъуагъэ хъугъэ.