ТекIоныгъэкIэ ыублагъ
ЦОП Краснодар край — «Динамо-МГТУ» Мыекъуапэ — 0:3 (13:25, 9:25, 19:25). Щылэ мазэм и 26-м Шытхьалэ щызэIукIагъэх.
Хэгъэгум волейболымкIэ изэнэкъокъу хэлэжьэрэ командэхэу апшъэрэ лигэм икупэу «Б-м» хэтхэм я 7-рэ къекIокIыгъом хэхьэрэ ешIэгъухэр Краснодар краим икъалэуШытхьалэ щырагъэжьагъэх. Апэрэ ешIэгъур Адыгеим икомандэ 3:0-у ЦОП-м къышIуихьыгъ.
— Щылэ мазэм и 28-м Кострома икомандэу «Волжаниным» тыдешIэщт, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Ащ ыуж Къыблэ Сахалин икомандэ тыIукIэщт.
«Динамо-МГТУ-р» апэ итхэм ахэфэным фэшI Къыблэ Сахалин иешIакIохэм зэIукIэгъур къашIуихьын фае.