Елкэ кIэракIэхэмкIэ, Iэнэ шыгъэхэмкIэ, гущыIэ фабэхэмкIэ Илъэ­сы­кIэм тызыпэгъокIыгъэр мы мазэр ары. Адэ тыгу зэфитымыхэу, ты­зэ­фэмылъаIоу илъэс псау джы тыхэтыщта?

Хьау, угу къабзэу Тхьэм зызыфэбгъазэкIэ, уигухэлъ ­къы­зыбдэхъущт зы мафэ я 21-рэ лIэшIэгъум хэтэу цIыфмэ аIо. Ар зытефэрэр непэрэ ма­фэр ары.

2021-рэ илъэсым щылэ мазэм и 21-р мэфэ къызэрыкIоп. Ар я 21-рэ лIэшIэгъум ия 21-рэ илъэс ия 21-рэ маф! Къэшъу­убытыгъа? Ащ фэдэ лIэшIэгъум зэ къызэрэхафэрэр. Ащ къыкIэлъыкIощт мэфэ огъурлым илъэси 101-кIэ ежэнхэ фаеу хъущтых. 2122-рэ илъэсым тыгъэгъазэм и 12-р ары ар зытефэщтыр. Ау «22»-м елъы­ты­гъэмэ, «21»-р зэрэнахь ма­фэм, ар нахьыбэ къэси зэрэнахьы-шIум укIэупчIэжьынэу щытэп.

Арышъ, пчыхьашъхьэ такъи­къыр 21-кIэ сыхьатыр 22-м зы­хахьэкIэ тыжъугъэлъаIу ти­чIыгу мамырныгъэ илъынэу, дунаир къызэтенэжьынэу, илъэ­сыр тфэмэфэнэу, тынасыпы­шIонэу, псауныгъэ пытэ тэри тиIахьылхэми тиIэнэу, тисабый­хэм щыIэкIэ тхъагъо яIэнэу, я 21-рэ лIэшIэгъур Урысыем и ЛIэшIэгъу хъунэу, дунаир зэ­лъызыштэгъэ коронавирусыр мыгъэ кIодыжьынэу. Хэти зыфаемкIэ Тхьэм елъэIун ылъэ­кIыщт, ау шIу нэмыкI ыгу къыригъахьэ хъущтэп.

Мы такъикъым къыриубытэу мэшIоустхъохэр тыдэкIи щыдафыехэмэ дэгъугъэ. Ахэм янэфынэ зэрэдунаеу къызэлъигъэ­нэфыщтыгъэ.

ШIу зэрэлъэгъурэ нэбгыри­тIум а такъикъым агу къызэфырахын, Iахьыл-благъэхэм шIоу щыIэр къадэхъунэу лъэIонхэ е фэныкъо горэм, шIушIэ фондым исчет ахъщэ рагъэхьан алъэкIыщт. Ау мы такъикъым шIу нэмыкI шъугу ишъумыубыт, къышъопыйхэрэми е къяхъу­лIэ­нэу шъумылъаIу.

«ШIу зышIэрэм шIу фыщылъ» аIошъ, шъугу шIоу ишъуубытагъэр Тхьэм къыжъудегъэхъу. Юрий Статкевич.