Адыгеим жъугъэу прививкэ щашIыхэу аублагъ къагъэуцурэп
Адыгэ Республикэм псауныгъэр къэухъумэгъэнымкIэ и Министерствэ къызэритыгъэмкIэ, коронавирусыр къямыутэлIэнымкIэ цIыфхэм ахалъхьэрэ вакцинэу «Спутник V» зыфиIорэм фэдэу 1642-рэ Адыгеим къыIэкIэхьагъ.
Нэбгырэ 1002-мэ ар ахалъхьагъ. Мэзаем иублэгъу джыри вакцинэ 6100-рэ къаIэкIэхьанэу мэгугъэх.
Республикэм щыпсэухэу зыныбжь илъэс 18 хъугъэхэм COVID-19-р къямыутэлIэным пае прививкэ зарагъэшIын алъэкIыщт.
Ащ фытегъэпсыхьэгъэ пунктхэр Адыгеим имуниципалитети 9-мэ къащызэIуахыгъэх. Къалэу Мыекъуапэ дэсхэм студенческэ поликлиникэм (Жуковскэм иурам тет унэу N 18-м) вакцинэр защыхырагъэлъхьан алъэкIыщт.