Зэпахырэ узэу коронавирусым Адыгеим зыкъызэрэщиIэтыгъэм епхыгъэу, Роспотребнадзорым Адыгэ РеспубликэмкIэ и ГъэIорышIапIэ ипащэу С. А. Завгороднем игъо къа­зэрафилъэгъугъэм тетэу Иисус Христос зэраумэхъыгъэм фэгъэхьыгъэ чыристан дин мэфэкIым ихэгъэунэфыкIын Мыекъуапэрэ Адыгеимрэ яепархие зэхъокIыныгъэхэр фишIы­гъэх.

— Иисус Христос зэраумэхъыгъэм фэгъэхьыгъэ чыристан дин мэфэкIыр 2021-рэ илъэсым щылэ мазэм и 18 — 19-м хэдгъэунэфыкIы зыхъукIэ, коронавирусым зимыушъомбгъуным, цIыфхэр жъугъэу зэIумыкIэнхэм апае зыгъэпскIыпIэхэр амыумэхъынхэр игъоу сэлъытэ. Яунэ къырахырэ псыр чылысхэм ащаумэхъын алъэкIыщт, — хигъэунэфыкIыгъ Мыекъуапэрэ Адыгеимрэ яархиепископэу Тихон.

Зэпахырэ узхэм замыушъомбгъунымкIэ ищыкIэгъэ амалхэр джыдэдэм чылысхэм ащызэрахьэх: унэхэри щагухэри дезинфекцие ашIых, нэгуихъохэр къызфагъэфедэх, метрэ пчъа­гъэу чыристанхэм азыфагу дэлъын фаер къыдалъытэ.