Ом изытет зыкъызэрэзэблихъугъэм къыхэкIыкIэ гузэжъогъу къулыкъухэм цIыфхэм сакъыныгъэ къызхагъэфэнэу зафагъазэ. Ос цIынэр зэратещтыхьан ылъэкIыщтым фэшI Адыгеим ишъолъыр ошIэ-дэмышIагъэ зыхэлъ Iофхэр къыщыхъунхэ зэрилъэкIэщтымкIэ макъэ къагъэIу.

Урысыем ошIэ-дэмышIэ Iоф­хэмкIэ и Министерствэ и ГъэIорышIэпIэ шъхьаIэу АР-м щыIэм шъугу къегъэкIыжьы:

— урамым шъурыкIо зыхъукIэ электрорыкIуапIэхэм шъунаIэ атешъудз, ос цIынэр ахэм апыщтыхьи зэпитхъы­гъэхэмэ, гузэжъогъу къулыкъухэм ятелефонхэм шъуатеу;

— шъуищагухэм адэт псэолъэшIы­гъэхэм апыт пкъыгъохэр икъоу мыгъэпытагъэхэмэ жъугъэтэрэзыжьых,

— псым, фабэм, электроэнергием, газым зэпыугъохэр афэхъугъэхэмэ къу­лыкъухэм макъэ яжъугъэIу;

ошIэ-дэмышIэ Iоф шъухэфагъэмэ шъузытеощт телефонхэр (ыпкIэ хэлъэп):

«01» е «101» — мэшIогъэкIуасэхэм ыкIи къэгъэнэжьакIохэм языкI номер;

8(8772)56-80-78-рэ — Урысыем ошIэ-дэмышIэ IофхэмкIэ и Министерствэ и ГъэIорышIэпIэ шъхьаIэу АР-м щыIэм ицыхьэшIэгъу телефон.