АР-м лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет журналистхэм азыфагу щызэхищэгъэ зэнэкъокъухэу «Патриот», «Адыгея — наш­ об­щий дом», «Стоп, коррупция!» зыфиIохэрэр зэ­фи­хьы­сыжьыгъэх. Зитхыгъэ ыкIи зикъэтын анахь дэгъоу алъы­тагъэхэм афэгушIуагъэх.

— Мы тхыгъэхэм мэхьанэшхо яI. Республикэм зэгурыIоныгъэу илъыр, цIыфхэм зэфыщытыкIэу яIэр къизыIотыкIырэ темэхэм журналистхэр ыпэкIи адэлэжьэнхэ, нахьыбэрэ къатхынхэ фае. Зэнэкъо­къум хэлажьэрэр нахьыбэ хъуным тыдэлажьэ, ащ дакIоу журналистхэм нахь чанэу Iоф ашIэнэу тыкъя­джэ, — къыIуагъ Коми­тетым итхьаматэу Шъхьэ­лэхъо Аскэр.

«Адыгея — наш общий дом» зыфиIорэ лъэныкъом анахь къыхагъэщыгъэхэм ащыщых республикэ гъэзетэу «Советская Адыгея» зыфиIорэм иобозревате­лэу Юлия Мельниковар, тиIофшIэгъоу Абрэдж Сэтэнай, Мыекъопэ теле­видением икорреспон­дентэу Андрей Грюнер, нэмыкIхэри.

«Стоп, коррупция!» зыфиIорэм къыдыхэлъыта­гъэу «Советскэ Адыгеим» иобозревательхэу Елена Марковамрэ Дмитрий Кизяновымрэ ятхыгъэхэм осэшIу къафашIыгъ. Телерадиокомпаниеу «Адыгеим» иIофышIэу Евгения Федосеевар, нэмыкIхэри къыхагъэщыгъэх.

«Патриот» зыфиIорэ зэ­­нэкъокъум район гъэ­зе­тэу «Согласием» иIофы­шIэу ПратIэкъо Зубер, те­лерадиокомпаниеу «Адыгеим» щылажьэхэу Тэу Замирэ, Татьяна Беловар, нэмыкIхэми ха­гъэунэфыкIырэ чIыпIэхэр къафагъэшъошагъэх.

Мыхэм зэкIэми ахъщэ шIухьафтынхэр ыкIи щытхъу тхылъхэр араты­жьыгъэх. (Тикорр.).