Я V-рэ Дунэе научнэ-практическэ конференциеу «Reso­nances science-2020» зыфиIорэм къыщыдэлъытагъэу зэ­ха­щэгъэгъэ зэнэкъокъум Адыгеим щыщ врачым текIо­ны­гъэр къыщыдихыгъ. Адыгэ республикэ сымэджэщым иотделениеу жэпкъым ыкIи нэгум зыщяIазэхэрэм ихирургэу Цэй Бинас балыгъыцэр (зуб мудрости) зэрэIуачыгъэм иягъэ къэмыкIоным пае унаIэ зытетын фаехэм афэгъэхьыгъэ доклад ыгъэхьазырыгъагъ.

— Наукэм непэрэ дунаим псынкIэу зыщеушъомбгъу. Лъэныкъо пэпчъ, медицинэри зэрахэтэу, кIэу зыгорэ къыщаугупшысы. Научнэ е практическэ конференциехэр гупшысэ гъэшIэгъонхэмкIэ зыщызэдэгуащэхэрэу, хэкIыпIэхэр къызщызэдагъотырэ чIыпIэу щытых. НыбжьыкIэу медицинэм зищы­Iэныгъэ езыпхымэ зышIоигъохэмкIи ахэм шIогъэшхо къаты, — къыщаIуагъ Адыгэ республикэ сымэджэщым.