ЕджапIэхэм кIымэфэ каникулхэр рагъэжьэнхэкIэ къэна­гъэр макIэ, тхьамафи икъурэп. А уахътэм Адыгеим икIэлэеджакIохэр пэIудзыгъэ шIыкIэм тетэу еджэщтых.

Зэпахырэ узым зы­зэриушъомбгъурэр нахь ма­кIэ хъуным фэшI АР-м гъэсэныгъэмрэ шIэны­гъэмрэкIэ и Министерствэ аущтэу рихъухьагъ.

Оперативнэ штабым къызэрэщаIуагъэмкIэ, апэ­рэ — яплIэнэрэ, я 9-рэ ыкIи я 11-рэ классхэм арысхэр тыгъэгъазэм и 24-м къыщегъэжьагъэу ащ фэдэ шIыкIэм техьагъэх, и 31-м нэс ащ тетыщт.

Шъугу къэдгъэкIыжьын, Iофхэм язытет къыдилъы­тэзэ, оперативнэ штабым зэрэрихъухьагъэм тетэу, тыгъэгъазэм и 14-м къыщегъэжьагъэу я 5 — 8-рэ ыкIи я 10-рэ классхэм арыс кIэлэеджакIохэр пэIудзыгъэу еджэх, гъэ­сэ­ныгъэ тедзэ языгъэгъо­тырэ организациехэми ащ тетэу Iоф ашIэ.