Коронавирусыр къызежьагъэм къыщегъэжьагъэу Адыгеим игуфит объ­единениехэр, иволонтерхэр зэкъохьагъэхэу (пстэумкIи нэбгырэ мин 1,2-рэ мэхъух) псауныгъэр къэухъумэгъэным иучреждениехэм Iоф ащашIэ, нэжъ-Iужъхэу зилъэкI къымыхьыхэрэм, зизакъоу псэу­хэ­рэм ящыкIэгъэ гъомылапхъэхэр афащэх ыкIи фэIо-фашIэхэр афа­гъэцакIэх.

Гуфит ресурснэ гупчэм итхьа­матэу, Урысые зэдеIэжь Iоф­тхьабзэу #МыВместе зыфиIорэм ишъолъыр штаб ипащэу Ованес Шекерьянц къызэри­IуагъэмкIэ, волонтер гупчэм иIофшIэн зыригъэжьагъэм къыщыублагъэу ыкIи мы Iофтхьа­бзэм къыдыхэлъытагъэу лъэIу зэфэшъхьафхэмкIэ республикэм щыпсэухэрэм гъогогъу мин тIокIищым ехъурэ линие плъы­рым къытеуагъэх. Ахэм зэкIэми джэуапхэр аратыжьыгъ, Iэ­пы­Iэгъу афэхъугъэх.

Iэшъынэ Сусан.