Къэралыгъо Думэм идепутат купэу парламентым и Щытхъу тхылъ ты­гъэгъазэм и 22-м къызыфагъэшъошагъэхэм Къэралыгъо Думэм фи­зическэ культурэмкIэ, спортымкIэ, туризмэмкIэ, ныбжьыкIэхэм яIоф­хэмкIэ и Комитет хэтэу Хьасанэкъо Мурат къахэфагъ.

Урысые Федерацием и Федеральнэ ЗэIукIэ и Къэралыгъо Думэ и Тхьаматэу Вячеслав Володиным ахэм Щытхъу тхылъхэр къаритыжьыгъэх. Адыгэ Республикэм ыцIэкIэ Къэралыгъо Думэм идепутатэу Хьаса­нэкъо Мурат парламентаризмэм Урысые Федерацием зыще­гъэу­шъомбгъугъэным, законо­твор­ческэ IофшIэным иIахьышхо зэ­рахишIыхьэрэм афэшI Щытхъу тхылъыр къыфагъэшъошагъ.

— СиIофшIэн осэшхо къызэ­рэфашIыгъэр лъэшэу сигуап. Тын лъапIэр къызэрэсфагъэ­шъошагъэр зишIушIагъэхэр Адыгэ Республикэм ипащэхэр, партиеу «Единэ Россием» къыз­дыхэтхэр, хэдзакIохэр ары. Унагъо пэпчъ ищы­IэкIэ-псэукIэ зыкъегъэIэтыгъэнымкIэ зэдедгъаштэу Iоф тшIагъэ, урысые законодательствэм хэбзэ икъу хэлъхьэгъэным тапэкIи тишъыпкъэу тыдэлэжьэщт, — къыIуагъ Хьаса­нэ­къо Мурат.

Урысые Федерацием и Федеральнэ ЗэIукIэ и Къэралыгъо Думэ ифракциехэм ялIыкIохэр Iофтхьабзэм къыщыгущыIагъэх, Щытхъу тхылъхэр къызыфагъэшъошагъэхэм афэгушIуагъэх.

Къандор Анзор. Урысые Федерацием и Фе­деральнэ ЗэIукIэ и Къэралыгъо Думэ идепутат иIэпыIэгъу.