Депутатхэм апай
Адыгэ Республикэм и Къэралыгъо Совет – Хасэм ия 57-рэ зэхэсыгъо видеоконференцие шIыкIэм тетэу 2020-рэ илъэсым тыгъэгъазэм и 21-м зэхащэщт.
Зэхэсыгъом зыщахэплъэщт Iофыгъохэм мыщ къыкIэлъыкIохэрэр ахагъэхьагъэх: Адыгэ Республикэм и ЛIышъхьэ иотчетэу культурэмкIэ, псауныгъэм икъэухъумэнкIэ, гъэсэныгъэмкIэ, социальнэ фэIо-фашIэхэм ягъэцэкIэнкIэ организациехэу Адыгэ Республикэм итхэм ыкIи Адыгэ Республикэр зизэхэщакIохэм 2019-рэ илъэсым фэIо-фашIэу агъэцэкIагъэхэм уасэу къафашIыгъэм ыкIи зигугъу къэтшIыгъэ организациехэм нахьышIоу Iоф ашIэнымкIэ амалэу зэрахьэхэрэм яхьылIагъэр; законопроектхэу «2021-рэ илъэсымкIэ ыкIи 2022-рэ, 2023-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2021-рэ илъэсымкIэ ыкIи 2022-рэ, 2023-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ» зыфиIохэрэм ятIонэрэу ахэплъэгъэныр; Адыгэ Республикэм изаконхэу «Муниципальнэ къулыкъур Адыгэ Республикэм зэрэщахьырэм ехьылIагъ», «Къэлэгъэпсын IофшIэным ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэр; законопроектхэу «Унэ зэращэфыщт ипотекэ чIыфэмкIэ Адыгэ Республикэм имедицинэ IофышIэхэм социальнэ IэпыIэгъу ягъэгъотыгъэным ехьылIагъ» зыфиIорэм, Адыгэ Республикэм изаконхэу «2020-рэ илъэсымкIэ ыкIи 2021-рэ, 2022-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2020-рэ илъэсымкIэ ыкIи 2021-рэ, 2022-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ», «Бюджет Iофыр Адыгэ Республикэм зэрэщыгъэпсыгъэм ехьылIагъ», «Адыгэ Республикэм гъогухэмкIэ и Фонд ехьылIагъ», «Сабый ибэхэмрэ ны-тыхэр зышъхьарымытыжь кIэлэцIыкIухэмрэ зыщыпсэущтхэ унэхэр ягъэгъотыгъэнхэм ехьылIагъ», «Гъэсэныгъэ Адыгэ Республикэм зэращарагъэгъотырэм ехьылIагъ», «Зыныбжь имыкъугъэхэр пIугъэнхэмкIэ ыкIи алъыплъэгъэнымкIэ Iофхэр зэрэзэхащэрэ шIыкIэм ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэм» апэрэу ахэплъэгъэныр ыкIи нэмыкI Iофыгъохэр.
Сыхьатыр 10-м зэхэсыгъор рагъэжьэщт.
Адыгэ Республикэм и Къэралыгъо Совет – Хасэм и Тхьаматэу Владимир Нарожный.