КоронавирусыкIэу COVID-19-р къызэряуталIэрэм, эпидемиологиемкIэ Iофхэм язытет ыкIи пэшIорыгъэшъэу зэрахьэрэ Iофтхьабзэхэм яхьылIагъ

Адыгэ Республикэм псауныгъэр къэухъумэгъэнымкIэ и Министерствэ къыгъэхьазырыгъэ къэбарэу коронавирусыкIэр къызэряуталIэрэм ыкIи медицинэ IэпыIэгъоу цIыфхэм Адыгэ Республикэм щарагъэгъотырэм афэгъэхьыгъэм, Роспотребнадзорым Адыгэ РеспубликэмкIэ и ГъэIорышIапIэ къыгъэхьазырыгъэ къэбарэу коронавирусыкIэмкIэ ыкIи ОРВИ-мкIэ Адыгэ Республикэм иIофхэм язытет фэгъэхьыгъэм, Адыгэ Республикэм гъэсэныгъэмрэ шIэныгъэмрэкIэ и Министерствэ къыгъэхьазырыгъэ къэбарэу гъэсэныгъэ языгъэгъотырэ организациехэм профилактикэ Iофтхьабзэу ащызэрахьэхэрэм афэгъэхьыгъэм зядэIу ыкIи затегущыIэ нэуж комиссием унашъо ышIыгъ:

1. Зэпахырэ узхэр къямыгъэутэлIэгъэнхэм, Адыгэ Республикэм щыпсэухэрэм санитар-эпидемиологие лъэныкъомкIэ яIофхэр нахьышIу шIыгъэнхэм атегъэ­псыхьагъэу:

1.1. Адыгэ Республикэм псауныгъэр къэухъумэгъэ­нымкIэ и Министерствэ къыгъэхьазырыгъэ къэбарэу коронавирусыкIэр къызэряуталIэрэм ыкIи медицинэ IэпыIэгъоу цIыфхэм Адыгэ Республикэм щарагъэгъотырэм афэгъэхьыгъэр къыдэлъытэгъэнэу.

2. Адыгэ Республикэм псауныгъэр къэухъумэгъэ­нымкIэ и Министерствэ:

2.1. коронавирусыкIэм зызыщиушъомбгъурэ лъэ­хъаным специалист-психологхэу цIыфхэм Iоф адэзышIэщтхэр тыгъэгъазэм и 15-м нэс къыригъэблэ­гъэнхэу;

2.2. медицинэ организациехэм провизор пIэкIорхэр нахьыбэ ащышIыгъэнхэмкIэ Iофыгъор тыгъэгъазэм и 15-м нэс зэшIуихынэу;

2.3. COVID-19-м, гриппым, ОРВИ-м зызэрэщаухъу­мэщт шIыкIэм ехьылIэгъэ къэбархэр СМИ-мрэ ве­домствэм иофициальнэ сайтрэ тхьэмафэ къэс къаригъэхьанхэу;

2.4. коронавирусыкIэр къызэутэлIагъэм ибиоматериал заIэкIагъахьэрэ, лабораторнэ ушэтынхэр зашIырэ пIалъэхэм, сыхьат 48-кIэ нахь мыгужъоу анализымкIэ кIэуххэр сымаджэхэм аIэкIагъэхьажьынхэм ренэу гъунэ алъифынэу;

2.5. иммунизацие лъэпкъ пстэухэмкIи прививкэхэм якалендарь диштэу профилактикэ прививкэхэмкIэ планыр зэрагъэцакIэрэм тыгъэгъазэм ыкIэм нэс гъунэ лъифынэу;

2.6. гриппым пэшIуекIорэ прививкэхэмкIэ планым игъэцэкIэн тыгъэгъазэм и 15-м нэс ыухынэу;

2.7. компьютернэ томографхэр къыщэфынхэу ыкIи медицинэ организациитIумэ джыри ахэр 2021-рэ илъэсым мэзаем и 1-м нэс ачIигъэуцонхэу;

2.8. ковиднэ госпитальхэм джыри чIыпIэхэр къащызэIухыгъэнхэмкIэ тыгъэгъазэм и 15-м нэс амал- хэр зэрихьанхэу;

2.9. медицинэ организациехэм зызэраухъумэрэ пкъыгъохэмрэ дезинфицирующэ амалхэмрэ яIэпэчIэгъанэ ренэу яIэным лъыплъэнэу;

2.10. колл-гупчэм чэщи мафи Iоф ышIэнымкIэ тыгъэгъазэм и 10-м нэс амалхэр зэрихьанхэу, операторхэм япчъагъэ нэбгырэ 20-м нигъэсынэу;

2.11. коронавирусыкIэм хьылъэу ыгъэсымаджэхэрэм ищыкIагъэу зыхъурэм телемедицинскэ консультациехэр афызэхищэнхэу;

2.12. COVID-19-р, гриппыр, ОРВИ-р къызэузхэрэр жъугъэу къызэрэхагъэщыгъэмкIэ псауныгъэр къэухъу­мэгъэнымкIэ федеральнэ бюджет учреждениеу «Гигиенэмрэ эпидемиологиемрэкIэ Гупчэу Адыгэ Рес­публикэм щыIэм» игъом макъэ ригъэIунэу;

2.13. COVID-19-р къызэутэлIэнкIэ щынагъо зышъхьа­щыт медицинэ IофышIэхэр тхьэмафэ къэс ыуплъэ­кIунхэу;

2.14. узхэм яэтиологие расшифровать шIыгъэным пае ОРВИ-р, гриппыр, пневмониер къызэузхэрэр тхьэмафэ къэс ыуплъэкIунхэу.

3. Адыгэ Республикэм гъэсэныгъэмрэ шIэныгъэм­рэкIэ и Министерствэ гъэсэныгъэ зыщарагъэгъоты­рэ кIэлэцIыкIу учреждениехэм япащэхэр игъусэхэу:

3.1. зэпахырэ узхэр къямыгъэутэлIэгъэнхэмкIэ Iоф­тхьабзэхэр гъэсэныгъэ языгъэгъотырэ учреждение- хэм щалъагъэкIотэнхэу.

4. Адыгэ Республикэм имуниципальнэ образова­нием япащэхэм:

4.1. илъэсыкIэ кIэлэцIыкIу утренникхэр зэхарамыгъэщэнхэу, илъэсыкIэ мэфэкIхэр организациехэмрэ учреждениехэмрэ ащыхагъэунэфыкIынэу афамыдэнэу, общественнэ гъэшхэным фэгъэзэгъэ организациехэм сыхьат 23.00-м нэс Iоф ашIэнэу, илъэсыкIэ корпоративхэр ахэм ащызэхащэнхэу афамыдэнэу;

4.2. илъэсыкIэ, дин мэфэкIхэм чылысхэм Iоф зэрашIэщт шIыкIэр агъэнэфэнэу.

5. Адыгэ Республикэм IофшIэнымрэ социальнэ хэхъоныгъэмрэкIэ и Министерствэ:

5.1. профилактикэ прививкэхэмкIэ календарым диштэу вакцинэ защыхалъхьащт чIыпIэм тыгъэгъазэм и 15-м нэс дэеу зекIохэрэр рищэлIэнхэу;

5.2. прививкэм илъэхъан медицинэ организациехэм автотранспорти 10 тыгъэгъазэм и 15-м нэс къа­фыхигъэкIынэу.

6. Роспотребнадзорым Адыгэ РеспубликэмкIэ и ГъэIорышIапIэ игъо фэлъэгъугъэнэу:

6.1. Адыгэ Республикэм имуниципальнэ образование­хэмкIэ коронавирусыр къызэутэлIагъэхэр, ар зыпкъ къикIыгъэр тыгъэгъазэм и 15-м нэс зэхифынхэу;

6.2. цIыфхэм яиммунизациекIэ Iофхэм язытет, профилактикэ прививкэхэмкIэ планыр зэрагъэцакIэрэм, профилактикэ прививкэхэмкIэ календарым диштэу 2020-рэ илъэсымкIэ иммунизациер зэраухыгъэм афэгъэхьыгъэу Адыгэ Республикэм имуниципальнэ образованиехэм япащэхэм тыгъэгъазэм и 15-м нэс макъэ аригъэIунэу.

7. Псауныгъэр къэухъумэгъэнымкIэ федеральнэ бюджет учреждениеу «Гигиенэмрэ эпидемиологиемрэкIэ Гупчэу Адыгэ Республикэм щыIэр»:

7.1. лабораторнэ ушэтынхэмкIэ пIалъэхэм алъыплъэнэу, анализхэмкIэ кIэуххэр сыхьат 48-рэ нахь мыгужъоу сымаджэхэм аIэкIагъэхьажьынхэм ренэу гъунэ лъифынэу.

8. Республикэ гъэзетхэу «Советскэ Адыгеимрэ» «Адыгэ макъэмрэ» яредакторхэм мы унашъор къыхаутынэу.

9. Мы унашъор зэрагъэцакIэрэм гъунэ лъысфынэу спшъэ исэлъхьажьы.

Зэпахырэ узхэм апэуцужьыгъэнымкIэ Адыгэ Республикэм исанитар комиссие итхьаматэу Н. С. Широкова къ. Мыекъуапэ, тыгъэгъазэм и 3, 2020-рэ илъэс n 5