Коронавирусым зимыушъомбгъунымкIэ шап­хъэ­хэр Мыекъуапэ къызэрэщыда­лъытэхэрэр зыщара­гъэшIэгъэ уплъэкIунхэм якIэуххэр бэ­мышIэу зэфа­хьысыжьыгъэх.

АР-м и Парламент и Комитетэу бюджет ыкIи хэбзэIахь политикэм фэгъэзагъэм къэкIощт 2021-рэ илъэс бюджетым фэгъэхьыгъэ законопроектым зыщытегущыIэгъэхэ игъэкIотыгъэ зэхэсыгъо иIагъ. Комитетым ипащэу Iэщэ Мухьамэд ащ тхьамэтагъор щызэрихьагъ. Парламентым и Тхьаматэу Владимир Нарожнэр, депутатхэр, АР-м финансхэмкIэ иминистрэ игуадзэу Екатерина Косиненкэр, нэмыкIхэр ащ хэлэжьагъэх.

АР-м и ЛIышъхьэу КъумпIыл Му­рат иписьмэ къыпкъырыкIыхэзэ, зымыгъэзэжьыщт мылъкоу бюд­жетым къыхэлъхьагъэ хъущтым ипчъагъэ зэхъокIыныгъэхэр фашIыгъэх. Федеральнэ ахъщэ респуб­ликэм къызэрэфэкIощтым ишIуа­гъэкIэ хахъохэр сомэ миллиардрэ миллион 890,7-кIэ нахьыбэ хъугъэ. ПстэумкIи гъэтэрэзыжьынэу 7 фашIыгъ.

Ащ тетэу 2021-рэ илъэс бюджетыр хахъохэмкIэ сомэ миллиард 26-рэ миллион 510,9-рэ, хъарджхэмкIэ сомэ миллиард 27-рэ миллион 36,5-рэ зэрэхъущтыр. Сомэ миллион 525,6-рэ щыкIагъэ фэхъущт.

Гъэтэрэзыжьынхэри къыдэлъытагъэхэу, финанс тхылъ шъхьаIэр Къэралыгъо Советым — Хасэм ятIо­нэрэ еджэгъумкIэ ыштэныр Комитетым хэтхэм игъоу алъытагъ.

ХЪУТ Нэфсэт.