Пщыныжь ягъэхьыгъэнымкIэ Федеральнэ къулыкъум Адыгэ Респуб­ликэмкIэ и ГъэIорышIапIэ макъэ къегъэIу уголовнэ пщыныжь язы­гъэхьырэ къулыкъум ипэщэ IэнатIэхэм ащыщхэр нэкI зэрэхъу­гъэмкIэ.

Илъэс 18-м къыщегъэжьагъэу илъэс 40-м нэс зыныбжьхэр, ыпэкIэ дзэ къулыкъур зыхьы­гъэхэу е хэбзэухъумэкIо къулыкъухэм ахэтыгъэхэу илъэс 45-м нэс зыныбжьхэр къулы­къушIапIэм къырагъэблагъэх.

Къулыкъу IэнатIэхэм аIухьэ зышIоигъохэм гурыт гъэсэныгъэ яIэн, дзэм къулыкъу щахьыгъэу щытын фае.

Уголовнэ-гъэцэкIэкIо къу­лыкъум иIофышIэ­хэм мыщ фэдэ социальнэ гарантиехэр яIэх:

— пенсием нахь пасэу макIох (мазэкIэ къулыкъум Iоф зэ­рэщашIэрэр мазэрэ ныкъо­рэкIэ къафалъытэ);

— ыпкIэ хэмылъэу ащыгъыщт шъуашэр илъэс къэс къа­раты;

— пщыныжь ягъэхьыгъэ­нымкIэ Федеральнэ къулыкъум иор­ганизациехэу гъэсэныгъэ язытыхэрэм ыпкIэ хэмылъэу апшъэрэ гъэсэныгъэ ащызэрагъэгъотын алъэкIыщт;

— ыпкIэ хэмылъэу медицинэ фэIо-фашIэхэр къафагъэца­кIэх;

— мэфэ 30 — 45-рэ хъурэ отпуск къафагъэнафэ;

— яоклад фэдиз хъурэ ахъщэ IэпыIэгъу илъэс къэс къараты;

— сомэ мин 23-м къыще­гъэжьагъэу сомэ мин 25-м нэс мазэ къэс къагъахъэ;

— унэ ращэфынэу е рагъэ­псынэу зэтыгъо социальнэ ахъ­щэ IэпыIэгъу къараты;

— гурыт еджапIэхэм, кIэлэцIыкIу IыгъыпIэхэм, гъэмафэрэ зызыщагъэпсэфырэ лагерьхэм ячIыпIэхэр апэрэ чэзыоу къараты;

— фэтэрыпкIэу атырэм къафырагъэгъэзэжьы.

IофшIапIэ лъыхъухэрэм мыщ фэдэ чIыпIэм зыфагъэзэн фае: къ. Мыекъуапэ, урамэу Привокзальнэр, 108 е телефонхэу 8772-524720 (52-18-кIэ, 52-19-кIэ) теонхэ алъэкIыщт.