ЗекIо Iофыгъохэм апылъхэм зэхащэгъэ зэнэкъокъоу «СкульпТУра» зыфиIорэм скульптури 100 къыщагъэлъагъо.

Анахь ашIогъэшIэгъонэу алъы­тэхэрэр пэшIорыгъэшъэу къыхахыгъэх. Купхэр пшIырыпшIэу гощыгъэх. Скульптурэхэр, саугъэтхэр Урысыем иIэпэIасэхэм зэнэкъокъум къырахьылIагъэх.

Хэгъэгум ишъолъырхэм къащыхахыгъэ IэшIагъэхэр кIэух зэ­нэкъокъум щызэфахьысы­жьыщтых.

Скульптурэхэр, саугъэтхэр ятеплъэкIэ гъэшIэгъоных. Тарихъым, псынкIэу зекIорэ мэшIокум, чэтыум, фэшъхьафхэм афэгъэхьыгъэх.

Мурманскэ, Петрозаводскэ, Архангельскэ, Ленинград хэкум, нэмыкIхэм яIэпэIасэхэм яIоф­шIагъэхэм уасэ афашIызэ, ама­къэхэр афатых.

Къыблэм ыкIи Темыр Кавказым яшъолъырхэм якъэгъэлъэгъонхэм тыгъэгъазэм и 15 — 21-м уасэ афашIыщт. Къалэхэу Шъачэ, Краснодар, Махачкала, нэмыкIхэм якъэгъэлъэгъонхэр шым, Iалъмэкъжъыем, фэшъхьафхэм яхьылIагъэх. Мышъэм фэгъэхьыгъэри зэнэкъокъум къы­рахьылIагъ. «Грознэр – дунаим игупч» зыфиIорэ скульп­турэм бэмэ уарегъэгупшысэ.

Ингушетием икъалэу Магас «Ным исаугъэт» зыфиIорэр къегъэлъагъо.

Адыгэ Республикэм «Золушкэ ицуакъэ исаугъэт» зыфиIорэр кIэух зэнэкъокъум къыщигъэлъэгъощт.

Анахь ашIогъэшIэгъоным икъыхэхын ИнтернетымкIэ зэха­щэщт.

Сахьидэкъо Нурбый.