Тыгъэгъазэм и 12-р — Урысые Федерацием и Конституцие и Маф
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр! Урысые Федерацием и Конституцие и Мафэ фэшI тышъуфэгушIо!
Илъэс 27-кIэ узэкIэIэбэжьмэ Урысыем итарихъкIэ апэрэу демократическэ лъапсэ зиIэ Конституциеу цIыфымрэ ащ ифитыныгъэхэмрэ апшъэрэ шIуагъэу зэрэщытхэр зыщыгъэнэфагъэр аштагъ.
Тикъэралыгъо идемократическэ хэхъоныгъэкIэ Закон ШъхьаIэм лъэпсэ пытэ иIэ зэрэхъугъэм дакIоу илъэсхэу зэпичыгъэхэм къакIоцI щыIэныгъэм чIыпIэ гъэнэфагъэ зэрэщиубытыгъэр къыгъэшъыпкъэжьыгъ.
Конституцием щыкIэгъэпытыхьагъэ шапхъэхэм тикъэралыгъо хэхъоныгъэ рагъэшIыгъ, Урысыем исуверенитет игъэпытэн фэIорышIагъэх, тихэгъэгу ифэшъошэ чIыпIэ дунаим щырагъэубытыгъ.
Ау уахътэр зычIыпIэ итэп. Урысыем щыпсэурэмэ азыныкъо нахьыбэмэ Урысые Федерацием и Конституцие гъэтэрэзыжьынхэр фэшIыгъэнхэм мыгъэ къыдырагъэштагъ. Тикъэралыгъо хэхъоныгъэ езыгъэшIыщт, цIыфхэм ящыIэкIэ-псэукIэ зыкъезыгъэIэтыщт законодательнэ шапхъэхэм зэхъокIыныгъэхэр афэшIыгъэнхэр игъоу зэрэщытыр щыIэныгъэми къыгъэлъэгъуагъ.
Адыгеим щыпсэухэрэм Урысые Федерацием и Конституцие къыдилъытэрэ шапхъэхэмрэ лIэшIэгъубэмэ къакIоцI зэгурыIоныгъэу азыфагу илъ хъугъэмрэ IэубытыпIэ къызыфашIыхэзэ, ти Хэгъэгушхо — Урысыер нахь лъэш шIыгъэным тапэкIи акIуачIэ зэрэрахьылIэщтым тицыхьэ телъ.
ТичIыпIэгъу лъапIэхэр, щыIэкIэ-псэукIэ дэгъу шъуиIэнэу, шъузэгурыIоу, мамырэу шъупсэунэу тышъуфэлъаIо! Адыгэ Республикэмрэ Урысые Федерациемрэ яфедэ зыхэлъ ублэпэшIу пстэуми гъэхъагъэхэр ащышъушIынэу шъуфэтэIо!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожный