Мин 15 хагъэхъуагъ
Лъэпкъ проектэу «Экологием» ипхырыщын пае республикэм щаштэгъэ шъолъыр проектэу «Мэзхэм якъэгъэнэжьын» зыфиIорэм къыщыдэлъытагъэу АР-м мэзхэмкIэ и ГъэIорышIапIэ чъыг мин 31-рэ 2020-рэ илъэсым ыгъэтIысхьагъ.
Мы Iофтхьабзэм АР-м икъулыкъоу мэзхэр машIом щызыухъумэрэмрэ мэзым щыщ Iахьэхэр бэджэндэу зыштагъэхэмрэ хэлэжьагъэх.
Илъэсэу икIырэм игъатхэ чъыгэе лъэпкъэу «черешчатэкIэ» заджэхэрэм фэдэу гъэтIысэжь 5000 Мыекъопэ районым щагъэтIысхьагъ, бжыхьэм мы чъыг дэдэр арэу, ау «красный» зыфаIорэм фэдэрэ березэрэ пстэумкIи 1000 ахагъэхъожьыгъ. Чъыгхэр паркхэм, еджапIэхэм ящагухэм, мэзым къащыкIыщтых.
Джащ фэдэу бжыхьэм Красногвардейскэ мэз хъызмэтшIапIэм епхыгъэу гектар 12 агъэкIэжьыгъ. Ащ тетэу республикэм имэз фонд чъыгэе лъэп-къэу «черешчатэкIэ» заджэхэрэм фэдэ гъэтIысыжь мин 15 хэгъэхъуагъэ хъугъэ.