Спорт лъэпкъ зэфэшъхьафхэмкIэ зэнэкъокъу гъэ­шIэгъонхэу щыIэщтхэм тяжэ.

Гандбол

Урысыем гандболымкIэ ихэшыпыкIыгъэ командэ Европэм изэнэкъокъоу Данием щыкIорэм хэлажьэ. Тыгъэгъазэм и 11-м Урысыер Францием де­шIэщт.

Баскетбол

Урысыем баскетболымкIэ изэ­нэкъокъоу суперлигэм иятIонэрэ куп щыкIорэм Мыекъопэ ­«Динамо-МГТУ-р» щешIэ. Зэнэ­къокъум ятIонэрэ чIыпIэр щиIыгъ.

Тыгъэгъазэм и 11-м «Динамо-МГТУ-р» Ставрополь щыIу­кIэщт чIыпIэ командэу «Динамэм».

Волейбол

Мыекъопэ «Динамо-МГТУ-р» апшъэрэ купэу «Б-м» хэт. Мы мафэхэм тренер шъхьаIэу Павел Зборовскэр япащэу Кост-рома волейбол щешIэх.

Футбол

Хэгъэгу футболым иапшъэ- рэ куп хэт командэхэм тыгъэ­гъазэм и 11 — 13-м я 18-рэ ешIэгъухэр яIэщтых.

ЗэIукIэгъухэр зэтэгъапшэх

«Шъачэ» — «Спартак» «Зенит» — «Динамо» «Ахмат» — «Ростов» «Краснодар» — «Локомотив». «Краснодар» ыкIи «Локомотив» Европэм ичемпионхэм ялигэ щыкIорэ зэнэкъокъум хэлажьэх. Краснодар щыкIощт зэ­IукIэгъур анахь гъэшIэгъон хъущтхэм ащыщ.

Европэм и Кубок

«Бавария» — «Локомотив» — 2:0. Европэм ичемпионхэм ялигэ хэт командэхэм тыгъэгъазэм и 8 — 9-м я 6-рэ ешIэгъухэр яIагъэх.

«Локомотив» Москва Германием икомандэу «Баварием» зыIокIэм, текIоныгъэр къыдихмэ, зэнэкъокъум щылъыкIотэнэу щытыгъ. «Локомотив» зэIукIэгъур шIуахьыгъ, зэнэкъокъум къыхэзыгъ.

— «Бавариемрэ» «Локомотиврэ» яешIакIэ лъэшэу зэпэ­чыжь, — къыIуагъ журналистэу Нэгъуцу Роман.

КIэуххэр

«Ренн» — «Севилья» — 1:3, «Барселона» — «Ювентус» — 0:3, «Динамо» К — «Ференцварош» — 1:0, ПСЖ — «Истанбул» — 5:1, «Аякс» — «Аталанта» — 0:1, «Зальцбург» — «Атлетико» — 0:2, «Интер» — «Шахтер» Д — 0:0, «Олимпиакос» — «Порту» — 0:2, «Реал» — «Боруссия» М — 2:0, «Манчестер Сити» — «Марсель» — 3:0.

ПэшIорыгъэшъ ешIэгъухэр командэхэм аухыгъэх. Купхэм апэрэ чIыпIищыр къыщыдэзы­хыгъэхэр зэнэкъокъум щылъыкIотэщтых.