Адыгэ Республикэм гъэсэныгъэмрэ шIэныгъэмрэкIэ ими­нистрэу КIэрэщэ Анзаур 2020-рэ илъэсым тыгъэгъазэм и 3-м зыкIэтхэжьыгъэ унашъоу N 1894-р зытетым ди­штэу 2019 — 2020-рэ илъэс еджэгъум научнэ-тех­ни­ческэ, художественнэ творчествэмкIэ, еджэнымкIэ, спор­тымкIэ ыкIи нэмыкI лъэныкъохэмкIэ гъэхъэгъэшхохэр зышIыгъэ ныбжьыкIэ сэнаущхэм Адыгэ Республикэм ишIухьафтынхэр, дипломхэр, нэпэеплъ шIухьафтынхэр афагъэшъошагъэх.

Лауреати 10-мэ сомэ мини 10 зырыз аратыщт.

НыбжьыкIэ сэнаущхэм ащыщхэу Адыгэ Респуб­ликэм ишIухьафтынхэм ялауреат хъугъэхэр къутырэу Псэкъупсэ игурыт еджапIэу N 5-м ия 11-рэ класс ис Богомолова Иринэ, Красногвардейскэ районымкIэ гимназиеу N 1-м ия 10-рэ класс щеджэрэ Дюмин Вадим, Кощхьэблэ районымкIэ гурыт еджапIэу N 2-м ия 11-рэ класс ис Къэрдэнэ Маринэ, Джэджэ районымкIэ гурыт еджапIэу N 4-м ия 11-рэ класс щеджэрэ Курасова Аллэ, Мыекъопэ гимназиеу N 22-м ия 10-рэ класс икIэлэеджакIоу НатIэкъо Саидэ, лицееу N 34-м ия 11-рэ класс ис Рагулин Александр, Мыекъопэ районымкIэ гъэсэныгъэ языгъэгъотырэ Гупчэу N 1-м ия 10-рэ класс ще­джэрэ Смыкова Ели­за­ветэ, Теуцожь районымкIэ поселкэу Лъэустэнхьаблэ дэт гурыт еджапIэу Бжыхьэкъо Къымчэрые ыцIэ зыхьырэм ия 10-рэ класс ис Соловьева Екатеринэ, Тэхъутэмыкъое районымкIэ поселкэу Инэм дэт гурыт еджапIэу N 6-м ия 9-рэ класс ис ЛъэпцIэрышэ Фаризэ, Шэу­джэн районымкIэ къуа­джэу Пщычэу дэт Хьатыгъужъыкъое гурыт еджапIэу N 6-м ия 10-рэ класс щеджэрэ Шырынэ Альбинэ ары.