Апэрэ чIыпIэм фэбэнэщт
Дунаим футболымкIэ изэнэкъокъу 2022-рэ илъэсым, шэкIогъум и 21-м щегъэжьагъэу тыгъэгъазэм и 18-м нэс Африкэм ихэгъэгоу Катарэ щыкIощт.
КIэух зэнэкъокъум хэлэжьэнхэм фэшI командэхэр пэшIорыгъэшъ ешIэгъухэм ахэлэжьэнхэ фае. Дунэе зэIукIэгъухэм язэхэщакIохэм пхъэдзкIэ къыхахыгъ купхэм ащызэIукIэщтхэр.
Урысыер зыщешIэщт пэшIорыгъэшъ зэнэкъокъум хэхьагъэхэр: Хорватиер, Словениер, Словакиер, Кипр, Мальта.
Апэрэ чIыпIэр купым къыщыдэзыхырэр занкIэу Дунаим изэнэкъокъу хагъэхьащт. ЯтIонэрэ чIыпIэхэр зыхьыгъэхэр хэушъхьафыкIыгъэу зэдешIэщтых, апэ ишъыгъэхэр зэхэщакIохэм къыхахыщтых.
Урысыем ихэшыпыкIыгъэ командэ итренер шъхьаIэу Станислав Черчесовым, спортым щыцIэрыIо Александр Мостовоим, нэмыкIхэм къызэраIуагъэу, тихэшыпыкIыгъэ командэ купэу зыхэфагъэр анахь лъэшхэм ащыщэп, тиешIакIохэр апэрэ чIыпIэм фэбэнэщтых.
2021-рэ илъэсым, гъэтхапэм и 24 — 25-м хэгъэгухэм яхэшыпыкIыгъэ командэхэм апэрэ пэшIорыгъэшъ ешIэгъухэр яIэщтых. Урысыем итренерхэм, спортсменхэм гъэхъагъэ ашIынэу афэтэIо.