ООО-у «Мыекъопэ ТЭЦ» зыфиIорэм иIофышIэхэм джырэ шапхъэ­хэм адиштэрэ цифрэ оборудованиер къалэм иподстанциехэм аща­гъэуцоу, телемеханикэмкIэ системэр ахэм ащагъэкIэжьэу аублагъ.

ОборудованиякIэм ишIуагъэ­кIэ зыщымыошIуми энергетик­хэм коммутационнэ аппаратхэр шIуагъэ къытэу агъэIоры­шIэн, линиеу зэщыкъорэр диспетчерхэм псынкIэу агъэунэфын алъэкIыщт.

ТелемеханикэмкIэ системэр (программнэ-техническэ комплексэу «Сфера» зыфиIорэр) непэкIэ зыщагъэфедэрэр Мые­къуапэ имикрорайонэу Михайловыр ары. Илъэсыр имыкIызэ урамэу я 2-рэ Курганнэм тет подстанциеу къалэм итемыр-къохьэпIэ лъэныкъохэм ащыпсэухэрэм элект­роэнергиер аIэкIэзыгъахьэрэми ащ фэдэ оборудование щагъэуцущт.

Энергосистемэм игъэкIэ­жьынкIэ джыдэдэм Iофтхьабзэу зэрахьэхэрэр зытегъэпсы­хьагъэр Адыгеим икъэлэ шъхьа­Iэ икъокIыпIэ лъэныкъо щы­псэухэрэм электроэнергиер на­хьышIоу аIэкIэгъэхьэгъэныр ары. ООО-у «Мыекъопэ ТЭЦ» зыфиIорэм ипресс-къулыкъу къызэритыгъэмкIэ, къалэм иподстанцие пстэуми цифрэ оборудованиер ащагъэуцунэу энергетикхэм мурад яI.