Федеральнэ проектэу «Экология» зыфиIорэм къыдыхэлъытэгъэ шъо­лъыр проектэу «Мэзхэр къэухъумэгъэнхэм» игъэцэкIэн хахьэу мэзхэр зэтырагъэуцожьынхэмкIэ Iофтхьабзэхэр зэрахьэх.

Мыхэм ягъэцэкIэн федеральнэ бюджетым имылъку щыщ сомэ мин 258,6-рэ пэIуагъэ­хьащт.

Илъэс къэс волонтерхэр ыкIи еджэпIэ лесничествэм икIэлэ­еджакIохэр чъыгхэм ягъэтIысын епхыгъэ Iофтхьабзэхэм чанэу ахэлажьэх. Мы илъэсым ибжыхьэ Мыекъопэ ыкIи Красногвардейскэ лесничествэхэм чъыгхэм ягъэтIысын епхыгъэ Урысые Iофтхьабзэу «Сохраним лес» зыфиIорэр ащызэхащагъ.

2020-рэ илъэсым Адыгэ Рес­публикэм имэз фонд ичIыгухэм искуственнэ мэзхэм язэтегъэуцожьынкIэ лесничестви 3-м планэу яIэгъэ гектар 12-м къырагъэхъуи, гектар 15,6-р агъэтIысыгъ.

Шъолъыр проектэу «Сохранение лесов» зыфиIорэм къыдилъытэрэр раупкIыгъэ ыкIи, кIодыгъэ чъыгхэм якъэгъэлъэгъон егъэпшагъэмэ, 2020-рэ илъэсым планэу яIэгъэ процент 11,7-м шIокIыхи, процент 68-кIэ агъэцэкIагъ.

Мы илъэсым агъэтIысыгъэ мэз чъыгхэм алъапсэхэр процент 98-м кIахьэу ыубытыгъэх. Ар къегъэлъагъо дэгъоу ыкIи игъом IофшIэнхэр зэрэзэшIуа­хыгъэм.

— ИкIэрыкIэу агъэтIысыжьыгъэ мэз чъыгхэм япроценти 10-р лъэпкъышIухэм ащыщ, ащ къыхэкIыкIэ шэпхъэ инхэм ади­штэрэ, хьапIацIэхэм ыкIи узхэм ащымыщынэхэрэ чъыг лъэпкъхэр тапэкIэ къагъэкIынхэ амал щыIэщт, — къыщаIуагъ АР-м мэзхэмкIэ и ГъэIорышIапIэ.