Транспортым пылъ хэбзэIахьымкIэ чIыфэшхо зэIузгъэкIагъэм къыпщынын фэягъэр исчет рахыгъ.

Адыгэкъалэ ихьыкум участкэу N 1-м унашъоу ышIыгъэм диштэу транспорт хэбзэIахьым итынкIэ сомэ мин 200-м ехъурэ чIыфэу зэIуигъэкIагъэр хъулъфыгъэм къы­зэкIигъэкIожьын фэягъ.

Ащ епхыгъэу хьыкум приставхэм я Федеральнэ къулыкъу Адыге­имкIэ и ГъэIорышIапIэ иотделэу Теуцожь районым щыIэм Iоф къызэIуихыгъ.

Хъулъфыгъэр ащ щагъэгъозагъ, чIыфэр къызщипщыныжьын фэе пIалъэр, ар зимыгъэцакIэкIэ пшъэ­дэкIыжьэу пылъыр гурагъэIуагъ.

Хьыкум приставхэм Iофыр зэхафызэ хъулъфыгъэм мылъкоу IэкIэлъыр зэрагъэшIагъ. Транс­порти 4 тетхагъэу ыкIи кредит организацие зэфэшъхьафхэм счет­хэр ащыриIэхэу хьыкум пристав­хэм агъэунэфыгъ.

ЧIыфэр къызэкIигъэкIожьы­нымкIэ пIалъэу фагъэуцугъэм зы­шIокIым, хэбзэгъэуцугъэм диштэу ащ исчет илъыгъэ ахъщэр ра-хыгъ. АщкIэ Iофыр зэфэшIыжьыгъэ хъугъэ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу