Адыгеим иIофышIэхэм джыри сомэ миллион 23,7-рэ къафыхагъэкIыщт
Урысые Федерацием и Правительствэ тыгъэгъазэм и 3-м иIэгъэ зэхэсыгъом Адыгэ Республикэм джыри сомэ мин 23708,2-рэ къыфыхагъэкIынэу щаухэсыгъ.
Урысые Федерацием и Правительствэ ышIыгъэгъэ унашъохэм адиштэу медицинэ ыкIи нэмыкI IофышIэхэу мэхьанэшхо зиIэ Iофхэр зыгъэцэкIагъэхэу кIэгъэгушIу мэхьанэ зиIэ ахъщэ зэратыгъэхэм яотпускхэм ыкIи ахэм отпускэу амыгъэфедагъэхэм а мылъкур апэIуагъэхьащт. Бэдзэогъум а гухэлъхэм апае сомэ миллиони 8,4-рэ Iахь тедзэу Адыгеим къыфыхагъэкIыгъагъ.
Правительствэм ащ фэдэ унашъор зиштагъэр Адыгэ Республикэм ыцIэкIэ Къэралыгъо Думэм идепутатэу Владислав Резник яIэпыIэгъоу Урысые Федерацием и Федеральнэ ЗэIукIэ бюджет мылъкур атегощэгъэнымкIэ икомиссие ащ къызыдырегъэштэ нэуж ары.
«Медицинэ IофышIэхэм мыгъэ апшъэ бэ дэфагъэр. Врачыбэмэ, медицинэ IофышIабэмэ, IэпыIэгъу псынкIэ языгъэгъотырэ машинэхэр зезыфэрэ нэбгырабэмэ мы илъэсым загъэпсэфыгъэп. Урысые Федерацием и Президент пшъэрылъ зэрафишIыгъэм тетэу бюджет мылъкур атезыгощэрэ парламент комиссиемрэ Правительствэмрэ медицинэ IофышIэхэм ахъщэ IэпыIэгъу тедзэ ятыгъэнымкIэ ищыкIэгъэ амалхэр зэрахьэх», — къыIуагъ Владислав Резник.