Тыгъэгъазэм и 3-р — зыщыщ амышIэрэ дзэкIолIым и Маф
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
Тыгъэгъазэм и 3-м зыщыщ амышIэрэ дзэкIолIэу фэхыгъэм и Мафэ тихэгъэгу щыхагъэунэфыкIы.
Нэмыцыдзэхэр Москва дэжь зыщызэхакъутагъэхэр илъэс 25-рэ зыщыхъурэм ехъулIэу 1966-рэ илъэсым тыгъэгъазэм и 3-м зыщыщ амышIэрэ дзэкIолIым ихьадэ Ленинградскэ шоссем ия 41-рэ километрэ дэжь щыIэ къош къэхалъэм къыдахыжьи, Кремлым идэпкъ дэжь щагъэтIылъыжьыгъагъ.
Нэмыц-фашист техакIохэм язэхэкъутэн хэлэжьагъэхэр, тихэгъэгогъу мин пчъагъэхэу Хэгъэгум ыпашъхьэ зипшъэрылъ щызыгъэцэкIагъэхэу заохэм ахэкIодагъэхэр зэрэдгъэлъапIэхэрэм ятамыгъэу ЕгъэшIэрэ машIомрэ зыщыщ амышIэрэ дзэкIолIым икъэрэ щытых.
ТекIоныгъэшхор къытфэзыгъэблэгъагъэхэр, Хэгъэгу зэошхом ыужкIи тикъэралыгъо къагъэгъунэзэ, заохэм, Iэшэ зэIуупIэныгъэхэм ахэкIодагъэхэр мы мафэм тыгу къэтэгъэкIыжьых.
Ахэм лIыхъужъныгъэу зэрахьагъэр зыщытымыгъэгъупшэныр, тиогу къэргъонымкIэ, рэхьатэу тыпсэунымкIэ, Iоф тшIэнымкIэ, тикIэлэцIыкIухэм мамыр щыIакIэ яIэнымкIэ, тихэгъэгу сыдигъуи лъэшынымкIэ тфэлъэкIырэр зэкIэ тшIэныр типшъэрылъ.
Фэхыгъэхэм егъэшIэрэ щытхъур адэжь! Псаоу къэнагъэхэм мамыр щыIакIэ ярэI!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу Владимир Нарожный