Адыгэ Республикэм и Къэралыгъо Совет — Хасэм ия 56-рэ зэхэсыгъо видеоконференцие шIыкIэм тетэу 2020-рэ илъэсым тыгъэгъазэм и 7-м зэхащэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «Адыгэ Республикэм и Законхэу «ЧIыпIэ референдумыр Адыгэ Республикэм зэрэщызэхащэрэм ехьылIагъ», «Социальнэ псэупIэ фондым хэхьэрэ унэхэр зэзэгъыныгъэ зэрэзэдашIырэм тетэу пкIэкIэ агъэфедэнхэу зэраратырэм епхыгъэ Iофыгъо заулэмэ яхьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» ятIонэрэу ахэплъэгъэныр; законопроектхэу «2021-рэ илъэсымкIэ ыкIи 2022-рэ, 2023-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2021-рэ илъэ­сымкIэ ыкIи 2022-рэ, 2023-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ» зыфиIохэрэм апэрэу ахэплъэгъэныр; Адыгэ Республикэм и Законхэу «Муниципальнэ образованием илIыкIо къулыкъу идепутат иполномочиехэр ыгъэцэкIэнхэмкIэ гарантиехэм яхьылIагъ», «Адыгэ Республикэм и Къэралыгъо Совет — Хасэм идепутат истатус ехьылIагъ», «2021-рэ илъэсым Адыгэ Республикэм ипенсионер рыпсэунымкIэ ахъщэ анахь макIэу ищыкIэгъэщтыр гъэнэфэгъэным ехьылIагъ», «Адыгэ Республикэм хэдзынхэмкIэ и Гупчэ комиссие ехьылIагъ», «Къэралыгъо е муниципальнэ мылъкум хэхьэрэ чIыгу Iахьхэм унэе унэхэр ащагъэпсынхэу е унэе IэпыIэгъу хъызмэтыр ащызэхащэнэу ыпкIэ хэмылъэу цIыфхэм ятыгъэнхэм фэшI муниципальнэ образованиехэмрэ сэнэхьатхэмрэ гъэнэфэгъэнхэм ехьылIагъ», «Адыгэ Республикэм икъа­лэ, ирайон хэдзынхэмкIэ ичIыпIэ комиссие ехьылIагъ», «Адыгэ Республикэм имуниципальнэ образование хэдзынхэмкIэ ичIыпIэ комиссие ехьылIагъ», «КIэлэцIыкIум ифитыныгъэхэмкIэ Уполномоченнэу Адыгэ Республикэм щыIэм ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэ­хэр ыкIи нэмыкI Iофыгъохэр.

Зэхэсыгъор сыхьатыр 10-м рагъэжьэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожный