Зэрэ Урысыеу коронавирусым иIофыгъохэмкIэ Iоф зышIэщт зыкI номерэу 122-м иIофшIэн ригъэжьагъ. Шъолъырхэр зэкIэри техническэу мы номерым хэхьанхэ алъэкIынэу агъэпсыгъ, ау зыщатIупщыгъэр 28-рэ мэхъу.

Адыгэ Республикэм псауныгъэр къэухъумэгъэнымкIэ и Министерствэ къызэритыгъэмкIэ, шэкIогъум и 26-м къыщегъэжьагъэу мы телефоным Iоф ышIэнэу тишъолъыр щыригъэжьагъ. Ащ узэрэтеощтым ыпкIэ хэлъэп. Мыщ ишIуагъэкIэ шъолъыр ковид колл-гупчэм занкIэу зыфэбгъэзэн плъэкIынэу хъугъэ.

Узыщыпсэурэ чIыпIэм елъытыгъэу узэпхыгъэ IэзэпIэ учреждением утеон амал системэм къыуеты.

ЗэрэрахъухьэрэмкIэ, ковид IофыгъохэмкIэ IэпыIэгъу псынкIэм е врачым укъяджэным имызакъоу, мы телефонымкIэ больничнэ тхьапэр бгъэпсын, специалистым удэгущыIэн ыкIи нэмыкI Iофыгъохэр зэшIопхын плъэкIынэу агъэпсыщт.

«Линие плъырыр»

ЗыкI номерым нэмыкIэу шъузытеон шъулъэкIыщтхэр шъушIэнхэ фае:

— Зэпахырэ узым епхыгъэ IофыгъохэмкIэ — +7-800-200-52-59-рэ;

— Поликлиникэм и Co11-гупчэ — +7(8772)21-03-01-рэ, +7(8772)57-70-53-рэ;

— Медицинэ IэпыIэгъу зэрэжъугъотыгъэм шъуимыгъэрэзагъэмэ +7(8772)53-49-97-рэ, +7(8772)52-49-00-рэ;

— Iэзэгъу уцхэмкIэ отделыр — +7(8772)52-32-29-рэ.

Джащ фэдэу, шъузыгъэгумэкIырэ упчIэхэм яджэуапхэр мы телефон номерхэмкIэ къызIэкIэжъугъэхьанхэ шъулъэкIыщт: АР-м псауныгъэр къэухъумэгъэнымкIэ и Министерствэ — 8(8772) 53-49-97-рэ (чэщ-зымафэм Iоф ешIэ), Роспотребнадзорым и ГъэIорышIапIэу Адыгеим щыIэм — 52-12-05-рэ (IофшIэгъу уахътэм). Iэшъынэ Сусан.