Адыгеим щыпсэухэу сэнэхьат тедзэ ыпкIэ хэмылъэу зэзыгъэгъоты зышIоигъохэм программэу WorldSkills Express зыфиIорэмкIэ егъэджэнхэр афызэхащэх.

Урысыем просвещениемкIэ и Министерствэ, УФ-м исубъект­хэр, Рособрнадзорыр, Рострудыр ыкIи «Агентство развития профессиональных сообществ и рабочих кадров «Молодые профессионалы (Ворлдскиллс Россия)» зыфиIорэр кIэщакIо фэхъухи, эпидемием изэрар зэкIыгъэхэм сэнэхьат тедзэхэр арагъэгъотынхэм фэшI программэу «Ворлдскиллс Экспресс» зыфиIорэр атIупщыгъ.

Егъэджэн программэм изэхэщакIор УрысыемкIэ Ворлдс­киллс Академиер ары. Ащ ипащэу Светлана Крайчинскаям къызэриIуагъэмкIэ, шъолъыр пэпчъ нахь ящыкIэгъэ сэнэхьатхэр программэм къыдыхэлъытагъэх. Ащ ишIуагъэкIэ цIыфым ежь зыфэе сэнэхьатыр зэригъэгъотын е ащкIэ шIэныгъэу IэкIэлъхэм ахигъэхъон ылъэкIыщт.

Адыгэ Республикэм лъэныкъо 17-кIэ егъэджэнхэр щызэхащэх, егъэджэным игупчэ организации 7 ит, джащ фэдэу зы федеральнэ гупчэм Iоф щешIэ.

Мы мафэм ехъулIэу Адыгеим щыпсэурэ нэбгырэ 40-мэ сэнэ­хьат тедзэхэу гъучI гъэжъэнымкIэ, туризмэмкIэ, пщэрыхьаным зыфэгъэсэгъэнымкIэ егъэ­джэн­хэр къаухыгъэх. Программэр шъолъырым щылъагъэкIуатэ.