Адыгеим и ЛIышъхьэу КъумпIыл Муратрэ мыкоммерческэ организациеу «Диалог» зыфиIорэм ипащэу Алексей Гореславскэмрэ шъолъырым игъэIорышIэн игупчэу Мыекъуапэ щагъэпсыгъэм щыIагъэх.

Мы структуракIэм иофис къыз­щызэIуахыгъэр Ростелекомыр зычIэт унэм изы лъэныкъу ары.

Республикэм и ЛIышъхьэрэ «Диалогым» игенеральнэ пащэрэ гупчэм икъулыкъушIэхэм адэгущыIагъэх, структуракIэм амалэу IэкIэлъхэр зэрагъэлъэгъугъ.

— Мыр проект гъэшIэгъо­нэу зэрэщытым дакIоу, рес­публикэм исоциальнэ-эко­номикэ щыIакIэ тэрэзэу зэхэфыгъэнымкIэ, мыщкIэ гумэкIыгъоу къэуцун ылъэ­кIыщтхэр дэгъэзыжьыгъэнхэмкIэ амалышIухэр къытыщтых, — къыIуагъ КъумпIыл Мурат.

Гупчэм ипащэу Къоджэшъэо Казбек къызэриIуагъэмкIэ, къа­IэкIэхьэрэ къэбархэр зэхэфыгъэнхэмкIэ хабзэм игъэцэкIэкIо къулыкъу 16-мэ ыкIи чIыпIэ зыгъэIорышIэжьын къулыкъуи 9-мэ пшъэдэкIыжь ахьыщт.

Къихьащт илъэсым ыкIэм нэс мыщ фэдэ структурэхэр муниципальнэ образованиехэм ащагъэпсынхэу агъэнафэ.

АР-м и ЛIышъхьэ ипресс-къулыкъу.