Тибзылъфыгъэхэр хэлэжьэщтхэу тэгугъэ
Урысыер — Косово — 3:0. ШэкIогъум и 27-м Тыркуем икъалэу Манавгат щызэдешIагъэх. Къэлапчъэм Iэгуаор дэзыдзагъэхэр: Федорова — 6, 12, Абдуллина — 9.
Европэм ибзылъфыгъэ хэшыпыкIыгъэ командэхэр пэшIорыгъэшъ зэIукIэгъухэм ахэлажьэх. Купи 9 мэхъух. Апэрэ чIыпIэхэр къыдэзыхыхэрэр занкIэу Европэм икIэух зэнэкъокъоу 2021-рэ илъэсым Англием щыкIощтым хэфэщтых. ЯтIонэрэ чIыпIэхэр къэзыхьыгъэхэу очко анахьыбэ изыгъэкъугъэхэм ащыщ командищыри занкIэу Англием кIощтых. Командихэу къэнагъэр икIэрыкIэу пэшIорыгъэшъ зэIукIэгъухэм ахэлэжьэщт, анахь дэгъуи 3-р Англием щешIэщт.
Урысыем ихэшыпыкIыгъэ командэ купэу «А-м» хэт. Тренер шъхьаIэу Елена Фоминам зэрилъытэрэмкIэ, пэшIорыгъэшъ ешIэгъухэм ауж тикомандэ Англием кIощтхэм занкIэу ахэфэн ылъэкIыщт. Тыгъэгъазэм и 1-м Урысыем ибзылъфыгъэ командэ Тыркуем дешIэщт, къалэу Манавгат зэIукIэгъур пчыхьэм сыхьатыр 5-м щаублэщт. ТихэшыпыкIыгъэ командэ текIоныгъэр къызыдихы- кIэ очко 24-рэ ригъэкъущт, Европэм икIэух зэнэкъокъу занкIэу хэфэщт.
ЧIыпIэхэр
Купэу «А-м» хэт командэхэр чIыпIэу зыдэщытхэр, очко пчъагъэу яIэр зэтэгъапшэх.
1. Нидерланды — 27 2. Урысыер — 21 3. Словениер — 12 4. Тыркуер — 5.
Шэн-хабзэ зэрэхъугъэу, Англиер пэшIорыгъэшъ ешIэгъухэм ахэмылажьэу зэнэкъокъум хэхьащт. ЗэкIэмкIи командэ 16 Англием щызэIукIэщт.