Урысые мэфэпчъым чIыпIэ гъэнэ­фа­­гъэ щызыубытыгъэу ным и Мафэ шэкIогъум иаужырэ тхьэу­мафэ ха­гъэунэфыкIы.

Ащ фэгъэхьыгъэ мэфэкI зэхахьэ шэкIогъум и 27-м Адыгеим щыкIуагъ. Сабыи 5 ыкIи нахьыбэ зыпIурэ ныхэр мы мафэм агъэшIуагъэх.

Iофтхьабзэм хэлэжьагъэх Адыгэ Республикэм и Премьер-министрэу Геннадий Митрофановыр, ащ игуадзэу Наталья Широковар, АР-м IофшIэ­нымкIэ ыкIи социальнэ хэхъоныгъэмкIэ и Ми­нистерствэ илIыкIохэр.

Мы мэфэкI шIагъом епхыгъэ гущыIэ фабэхэмкIэ Геннадий Митрофа­новым сабыибэ зиIэ ны­хэм закъыфигъэзагъ.

— Анахьэу фэбагъэрэ шIурэ зыхэлъ мэфэкIэу, ным и Мафэ, непэ тызэфищагъ, — къыIуагъ ащ. — Адыгэ Республикэм и ЛIышъхьэу КъумпIыл Мурат ыцIэкIи, сэ сшъхьэкIи сигуапэу сышъуфэгушIо! Джэныкъо машIом иухъумэкIо бзылъфыгъэ- нэу цIыфыгъэ-шэпхъэ дахэхэмрэ Iэдэбныгъэмрэ арыгъуазэрэм лъытэныгъэшхо фэтэшIы. Анахь къытпэблэгъэ ыкIи шIу тлъэгъурэ тянэхэм рэзэныгъэ инэу афытиIэр гущыIэ фабэхэмкIэ къетэ­IотыкIы.

КIэлэцIыкIухэм япIункIэ, ягъэсэнкIэ ным пшъэ­рылъэу ыгъэцакIэрэр бэ­дэд. Унагъом, ным ыкIи кIэлэцIыкIухэм IэпыIэгъу ятыгъэным республикэм ипащэхэм ренэу анаIэ атырагъэты, тапэкIи ащ зэредгъэхъущтым тыпы­лъыщт.

Джащ фэдэу, ныхэм ыкIи сабыйхэр зэрыс ­унагъохэм къэралыгъо IэпыIэгъоу республикэм ащарагъэгъотырэм Премьер-министрэр къащыуцугъ.

Мы уахътэ сабыибэ зэ­рыс унэгъо 7193-рэ Адыге­им щэпсэу. Ахэм ащыщэу 5041-мэ социальнэ IэпыIэгъу аIэкIахьэ.

ЗАГС-м къызэритыгъэм­кIэ, мы илъэсым кIэ­лэцIыкIу 3725-рэ Адыгеим къыщыхъугъ, ахэм ащы­щэу ящэнэрэ ыкIи ащ къыкIэлъыкIорэр — 1213-рэ.

Нэужым сабыибэ зиIэ нэу (нэбгыри 10) къы­хагъэщыгъэхэм «Материнская слава» зыфиIорэ дипломымрэ Адыгэ Рес­публикэм ыцIэкIэ агъэ­нэфэгъэ ахъщэ шIухьафтынэу сомэ мин 50 зырызрэ Премьер-министрэм аритыжьыгъэх. Ахэр: нэбгыри 8 зыпIурэ Джэнчэтэ Мерэмхъан (Шэуджэн район), Бысыдж Ами­нэт (Красногвардейскэ район, нэбгыри 6), ХъокIон Заремэ (Мые­къуапэ, сабыи 5), Елена Кирилинар (Тэхъутэмы­къое район, нэбгыри 5), Тыгъужъ Альбинэ (Теуцожь район, нэбгыри 5), Мария Заводских (Мые­къуапэ, нэбгыри 5), Екатерина Каза­ковар (Мые­къопэ район, нэбгыри 5), Ольга По­соховар (Джэджэ район, нэбгыри 5), Хьашхъо Суса­нэ (Кощ­хьэблэ район, нэбгыри 5), Хьабэхъу Зухра (Адыгэ­къалэ, нэ­б­гыри 5).

Псауныгъэ пытэ яIэнэу, къапэблэгъэ цIыфхэм ягуфэбагъэрэ яшIулъэгъу­рэ щымыкIэхэу, илъэсыбэрэ щыIэнхэу Геннадий Митрофановыр ныхэм афэлъэIуагъ.

Iэшъынэ Сусан.

Сурэтыр Артур Лутеншлегер тырихыгъ.