Шъолъыр проектэу «Мэзхэр къэухъумэгъэнхэр» зыфиIорэм Iоф­тхьа­бзэу зэхищэхэрэм ащыщ чъыгхэр зэрымытыжь чIыпIэхэм ащыгъэ­тIысыжьыгъэнхэм фэшI кIэхэр угъоигъэнхэр.

Мэзхъызмэтым я ГъэIоры­шIапIэу АР-м щыIэм ипресс-­къулыкъу къызэритырэмкIэ, чъыг хъущт кIэхэр аугъоих.

Чъыгэе плъыжьым ыкIэхэр бжыхьэм агъэхьазырых. ПстэумкIи мышкIу килограмм 1250-рэ агъэхьазырыгъ. «Адыгейская лесопожарная охрана» зыфи­Iорэм иIофышIэхэр, мэз чIыпIэхэр бэджэндэу зыштэ­хэрэр, кIэлэеджакIохэр ары кIэхэм яугъоин фэгъэзагъэхэр.

Чъэпыогъу мазэм Гъозэ­рыплъ мэз хъызмэтшIапIэм мышкIу килограмм 900 щагъэ­хьазырыгъ. КIэхэр зэрифэ­шъуашэу ауплъэкIугъэх, ахэр мэзым щагъэтIысыгъэх.

Ащ нэмыкIэу, шэкIогъум Гъо­зэрыплъэ мэз хъызмэтшIапIэм мышкIу килограмм 350-рэ щагъэхьазырыгъ. КIэхэм язытет джырэ уахътэ ауплъэкIу.

Абрэдж Сэтэнай.